ଅଯୋଧ୍ୟା ଉତ୍ସବ, ନିମନ୍ତ୍ରଣ ବାଣ୍ଟିଲେ ଧର୍ମେନ୍ଦ୍ର

Ram temple inauguration invitation: କଟକ:ରୌପ୍ୟନଗରୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଅଯୋଧ୍ୟାରେ ଶ୍ରୀରାମ ଲାଲା ଜନ୍ମଭୂମି ମନ୍ଦିର ଦର୍ଶନ ପାଇଁ ଅଯୋଧ୍ୟା ଯିବାପାଇଁ ଅକ୍ଷତ ଚାଉଳ ଓ ନିମନ୍ତ୍ରଣ ପତ୍ର ବଣ୍ଟନ କାର୍ଯ୍ୟକ୍ରମରେ ଯୋଗଦେଲେ କେନ୍ଦ୍ରମନ୍ତ୍ରୀ । କଟକରେ ପହଞ୍ଚିବା ପରେ ପ୍ରଥମେ ମଙ୍ଗଳାଙ୍କୁ ଦର୍ଶନ କରି ସ୍ଥାନୀୟ ଲୋକମାନଙ୍କୁ ନିମନ୍ତ୍ରଣ ପତ୍ର ବାଣ୍ଟିଛନ୍ତି । ତେବେ ଏହି ଭବ୍ୟ କାର୍ଯ୍ୟକ୍ରମରେ ଶତାଧିକ ବିଜେପି କର୍ମୀ ଯୋଗଦେଇଥିଲେ । 

ଏହି ଅବସରରେ ଧର୍ମେନ୍ଦ୍ର ପ୍ରଧାନ କହିଛନ୍ତି,‘‘ କଟକରେ ଯେତେବେଳେ ନବେ ଦଶକରେ ରାମ ଶୀଳା ପୂଜନ କରାଯାଉଥିଲା । ସେହି ସମୟରେ କଟକର ପ୍ରତ୍ୟେକ ସାହି ଗଳିରେ ବୁଲି ମୁଁ ଏହି କାର୍ଯ୍ୟକ୍ରମରେ ଯୋଗଦେଉଥିଲି । କିନ୍ତୁ ଆଜିର ସମୟରେ ଆସନ୍ତା 22 ତାରିଖରେ ଯେଉଁ ଐତିହାସିକ ନଗରୀ ଅଯୋଧ୍ୟାରେ ପ୍ରଭୁ ରାମଙ୍କର ଭବ୍ୟ ମନ୍ଦିରର ପ୍ରାଣ ପ୍ରତିଷ୍ଠା ହେବ ସେନେଇ ଏହି ନିମନ୍ତ୍ରଣ ପତ୍ର ବାଣ୍ଟିବା ମୋ ପାଇଁ ପରମ ସୌଭାଗ୍ୟ । ବର୍ତ୍ତମାନ ଦେଶବାସୀ ପ୍ରାଣ ପତିଷ୍ଠା ଦିନ ପାଇଁ ଅପେକ୍ଷାରତ । ତେଣୁ ସମସ୍ତେ ଏହି ଦିନରେ ସାମିଲ ହେବେ । ଗୋଟିଏ ପଟେ ପ୍ରଧାନମନ୍ତ୍ରୀଙ୍କ ପରିଶ୍ରମ ଓ ଅନ୍ୟପଟେ ବିଶ୍ଵବ୍ୟାପୀ ଏହାର ଦିଗ ଦର୍ଶନ ଯାହା ପ୍ରତ୍ୟକ ଭାରତବାସୀଙ୍କୁ ଆନନ୍ଦିତ କରିବ । ସେହି ଦିନ ସାରା ଦେଶରେ ଜୟ ଶ୍ରୀରାମରେ କମ୍ପିବ ପୁରା ଦେଶ ।"

ଏହା ମଧ୍ୟ ପଢନ୍ତୁ.....ଅଯୋଧ୍ୟାରୁ ବାଲିଅନ୍ତା ଆସିଲା ଅକ୍ଷତ କଳସ, ଆଧ୍ୟାତ୍ମିକ ପରିବେଶ ସୃଷ୍ଟି

ଇଟିଭି ଭାରତ, କଟକ