Delhi minor girl killing: ନ୍ୟାୟ ମାଗିଲେ ପୀଡ଼ିତା ନାବାଳିକାର ପିତାମାତା - ନାବାଳିକାକୁ ହତ୍ୟା କଲା ପ୍ରେମିକ

ନୂଆଦିଲ୍ଲୀ:ଦିଲ୍ଲୀ ଶାହବାଦ ଡାଏରୀ ଏରିଆରେ ଜଣେ ନାବାଳିକାକୁ ନାବଳକ ପ୍ରେମିକ ଅତି ବିଭତ୍ସ ଭାବେ 20ରୁ ଅଧିକ ଥର ଛୁରୀ ଭୁସି ହତ୍ୟା କରିବା ଘଟଣା ସାରା ଦେଶକୁ ସ୍ତବ୍ଧ କରିଦେଇଛି । ହତ୍ୟାକାଣ୍ଡ ବେଳର ଭିଡିଓ ମଧ୍ୟ କ୍ୟାମେରାରେ କଏଦ ହୋଇଛି । ହତ୍ୟାକାରୀକୁ ପୋଲିସ ଗିରଫ କରିସାରିଛି । ଏହି ଘଟଣାରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଦାବି କରିଛନ୍ତି ହତ୍ୟାର ଶିକାର ହୋଇଥିବା ନାବାଳିକାର ମାତା ପିତା । ସେମାନେ ହତ୍ୟାକାରୀ ସାହିଲ ସମ୍ପର୍କରେ ପୂର୍ବରୁ କିଛି ଜାଣିନଥିଲେ । ହେଲେ ଝିଅକୁ କେହି ହତ୍ୟା କରି ଫିଙ୍ଗି ଦେଇଥିବା ପୋଲିସଠାରୁ ସୂଚନା ପାଇ ଘଟଣାସ୍ଥଳରେ ପହଞ୍ଚିଥିଲେ । ଆକ୍ରମଣ ଏତେ ବିଭତ୍ସ ଥିଲା ଯେ, ମୃତଦେହ ଚିହ୍ନଟ କରିବା ମଧ୍ୟ କଷ୍ଟସାଧ୍ୟ ଥିଲା । ଯେମିତି ଅତି ବିଭତ୍ସ ଭାବେ ତାଙ୍କ ନାବାଳିକା ଝିଅକୁ ହତ୍ୟା କରାଯାଇଛି, ଦୋଷୀଙ୍କୁ ସେମିତି କଠୋର ଦଣ୍ଡ ମିଳିବା ଉଚିତ ବୋଲି ଉଭୟ ମାତା ପିତା ଦାବି କରିଛନ୍ତି । ଶୁଣନ୍ତୁ ସେମାନଙ୍କ ପ୍ରତିକ୍ରିୟା...