ବିଶ୍ବକପ ଟ୍ରଫି ସହ ଫଟୋ ଉଠାଇଲେ କ୍ରିକେଟ ପ୍ରେମୀ
Published : Sep 21, 2023, 10:26 AM IST
ହାଇଦ୍ରାବାଦ: ଅକ୍ଟୋବର 5 ତାରିଖରୁ ଆରମ୍ଭ ହେବାକୁ ଯାଉଛି ଦିନିକିଆ ବିଶ୍ବକପ । ଏହା ପୂର୍ବରୁ ଓ୍ବାର୍ଲଡକପ ଟ୍ରଫି ପରିକ୍ରମା କାର୍ଯ୍ୟକ୍ରମ ଜାରି ରହିଛି । ବିଦେଶରୁ ଟ୍ରଫି ପରିକ୍ରମା କରି ଫେରିବା ପରେ ବୁଧବାର ହାଇଦ୍ରାବାଦ ସ୍ଥିତ ରାମୋଜୀ ଫିଲ୍ମ ସିଟିରେ ପହଞ୍ଚିଥିଲା । ରାମୋଜୀ ଫିଲ୍ମ ସିଟିରେ ICC ବିଶ୍ବ କପ୍ ଟ୍ରଫି ପ୍ରଦର୍ଶିତ ହୋଇଥିଲା । କ୍ୟାରମ ଗାର୍ଡେନ ପରିସରରେ ଏହାକୁ ଫିଲ୍ମସିଟି ପରିଚାଳନା ନିର୍ଦ୍ଦେଶିକା ବିଜୟେଶ୍ବେରୀ ଓ ଗଣମାଧ୍ୟମ ସଂସ୍ଥା ଇନାଡୁ ନିର୍ଦ୍ଦେଶିକା ସାହାରି ଏହି ଟ୍ରଫିକୁ ଉନ୍ମୋଚନ କରିଥିଲେ । ଟ୍ରଫିକୁ ଦେଖି ଆତ୍ମ ବିଭୋର ହୋଇପଡିଥିଲେ କ୍ରୀଡ଼ା ପ୍ରେମୀ । ରାମୋଜୀ ଫିଲ୍ମ ସିଟିର କିଛି ନିର୍ଦ୍ଦିଷ୍ଟ ବିଶିଷ୍ଟ ବ୍ୟକ୍ତି ଟ୍ରଫି ସହ ଫଟୋ ନେଇଥିଲେ ଓ କିଛି କ୍ରୀଡା ପ୍ରେମୀ ମଧ୍ୟ ଫଟୋ ଉଠାଇଥିଲେ। ଟୁର୍ଣ୍ଣାମେଣ୍ଟ ଆରମ୍ଭ ହେବାପୂର୍ବରୁ ବିଶ୍ବକପ ଟ୍ରଫି 18ଟି ଦେଶ ପରିକ୍ରମା କରିବା ପରେ ଭାରତ ଫେରିଛି । ଏହାପରେ ଗୋଟିଏ ପରେ ଗୋଟିଏ ରାଜ୍ୟକୁ ଟ୍ରଫିକୁ ପରିକ୍ରମା କରାଯାଉଛି ।