ବିଲାତି ପାଇଁ ବନ୍ଧକ: ଟମାଟୋ ନେଇ ଛୁ ମାରିଲା ଗ୍ରାହକ, ବନ୍ଧା ପଡିଲେ 2 ନାବାଳକ
କଟକ: ବଜାରରେ ଆକାଶ ଛୁଆଁ ଟମାଟୋ ଦର । ଟମାଟୋ ଦର ଅହେତୁକ ବୃଦ୍ଧି ପରେ ବିଭିନ୍ନ ଘଟଣା ସାମ୍ନାକୁ ଆସିବାରେ ଲାଗିଛି । କଟକରେ ଟମାଟୋ ପାଇଁ ବନ୍ଧକ ପଡିଲେ ଦୁଇ ନାବାଳକ । ଏମିତି ଏକ ଚାଞ୍ଚଲ୍ୟକର ଘଟଣା ଘଟିଛି ଛତ୍ରବଜାର ଅଞ୍ଚଳରେ । ଦୁଇଟି ପିଲାଙ୍କୁ ଟମାଟୋ ଦୋକାନରେ ବସାଇ ଟମାଟୋ ନେଇ ଫେରାର ହୋଇଗଲା ଠକ । ତିନିଶହ ଟଙ୍କା ମଜୁରୀ ଦେବା ଲୋଭରେ ଆଣିଥିବା ଅଭିଯୋଗ କରିଛନ୍ତି ନାବାଳକ ।
ସେହିଭଳି କେମିତି ଚତୁରତା ସହ ଟମାଟୋ ନେଇ ଚମ୍ପଟ ମାରିଲା ଠକ୍ । ଆଜିର ଦିନରେ ଟମାଟୋର ଦର ପୁରା ଆକାଶ ଛୁଆଁ । ଧନୀ ଠାରୁ ଆରମ୍ଭ କରି ଗରିବ ପର୍ଯ୍ୟନ୍ତ ସମସ୍ତେ ଏବେ ଟମାଟୋ କିଣିବା ପାଇଁ ଭୟ କରୁଛନ୍ତି । ଏହାରି ଭିତରେ ଏପିର ଘଟଣା ଛତ୍ରବଜାର ଅଞ୍ଚଳରେ ଆଲୋଡନ ସୃଷ୍ଟି କରିଛି । ଜଣେ ବ୍ୟକ୍ତି ଟମାଟୋ କିଣିବାକୁ ଆସି ଦୁଇଟି ଅଲଗା ଦୋକାନୀଙ୍କ ନିକଟରେ ଦୁଇଜଣ ନାବାଳକଙ୍କୁ ବସାଇ ଟମାଟୋ ନେଇଥିଲେ । ଗାଡ଼ିରେ ଟମାଟୋ ରଖି ଟଙ୍କା ଦେଉଛି ବୋଲି କହି ଦୁଇଟି ଦୋକାନରୁ 2 କିଲୋ ଟମାଟୋ ନେଇ ଚମ୍ପଟ ମାରିଛି ଦୁର୍ବୃତ୍ତ । ଦୀର୍ଘ ଦୁଇ ଘଣ୍ଟା ପରେ ସେହି ଠକ ବ୍ୟକ୍ତି ଜଣକ ନଆସିବାରୁ ସନ୍ଦେହ ଘନିଭୂତ ହୋଇଥିଲା । ଏହାପରେ ପିଲା ଦୁଇଟିଙ୍କୁ ଯେତେବେଳେ ପଚରାଯାଇଥିବା ସେତେବେଳେ ସେ କହିଥିଲେ କି ଆମକୁ 300 ଟଙ୍କା ଦେଇ ୱାଶିଂ ମେସିନ ଉଠାଇବାକୁ କହି ଆଣି ଏଠାରେ ଫସାଇ ଦେଇଛନ୍ତି । ଶୁଣନ୍ତୁ କଣ କହୁଛନ୍ତି ନାବାଳକ ଜଣଙ୍କ ।
ଏହା ମଧ୍ୟ ପଢନ୍ତୁ:Crorepati Tomato Farmer: ଟମାଟୋ କଲା କୋଟିପତି, ୮୩୦୦ ପେଟି ବିକି ରୋଜଗାର କଲେ କୋଟିଏ
ଇଟିଭି ଭାରତ, କଟକ