Karnataka Results: ମିଠା ବାଣ୍ଟିଲେ ବଘେଲ, ଦେଖନ୍ତୁ ଭିଡିଓ

ରାୟପୁର:କର୍ଣ୍ଣାଟକରେ କଂଗ୍ରେସର ବିଜୟ ପରେ ଦିଲ୍ଲୀ ସ୍ଥିତ ଦଳ ମୁଖ୍ୟାଳୟ ସମେତ ଦେଶବ୍ୟାପୀ ବିଭିନ୍ନ ପାର୍ଟି ଅଫିସରେ ଉତ୍ସବ ପାଳନ ଆରମ୍ଭ ହୋଇଗଲାଣି । କଂଗ୍ରେସ ଶାସିତ ଛତିଶଗଡରେ ମଧ୍ୟ କଂଗ୍ରେସ କର୍ମୀମାନେ ଉତ୍ସବ ପାଳନ ଜାରି ରଖିଛନ୍ତି । ଦଳୀୟ କାର୍ଯ୍ୟକର୍ତ୍ତାଙ୍କ ସହ ସାମିଲ ହୋଇଛନ୍ତି ମୁଖ୍ୟମନ୍ତ୍ରୀ ଭୂପେଶ ବଘେଲ । ବଘେଲ ଦଳର କର୍ମକର୍ତ୍ତାଙ୍କୁ ମିଠା ଖୁଆଉଥିବା ଦେଖିବାକୁ ମିଳିଛି । ଏବେ ସୁଦ୍ଧା ପ୍ରାୟ 118 ଆସନରେ କଂଗ୍ରେସ ଆଗରେ ରହିଛି । କିଛି ଆସନରେ କଂଗ୍ରେସ ପ୍ରାର୍ଥୀ ଏକାଧିକ ବରିଷ୍ଠ ବିଜେପି ନେତାଙ୍କୁ ମଧ୍ୟ ପଛରେ ପକାଇଛନ୍ତି । ଆଉ କିଛି ସମୟ ମଧ୍ୟରେ ସ୍ପଷ୍ଟ ଚିତ୍ର ସହ ନିର୍ବାଚନ କମିଶନ ଆନୁଷ୍ଠାନିକ ଘୋଷଣା ମଧ୍ୟ କରିବେ । ଆସନ୍ତାକାଲି ପୂର୍ବାହ୍ନରେ ରାଜଧାନୀ ବେଙ୍ଗାଲୁରୁରେ କଂଗ୍ରେସର ନବନିର୍ବାଚିତ ବିଧାୟକଙ୍କର ବୈଠକ ରଖାଯାଇଛି । ଏଥିରେ ପ୍ରଦେଶ କଂଗ୍ରେସ ଅଧ୍ୟକ୍ଷ ଡି.କେ ଶିବକୁମାର ଓ ଅନ୍ୟତନ ବରିଷ୍ଠ ନେତା ସିଦ୍ଧରମୈୟାଙ୍କ ମଧ୍ୟରୁ କାହାକୁ ଜଣଙ୍କୁ ଚୟନ କରାଯାଇପାରେ । ଦେଖନ୍ତୁ ରାୟପୁରରୁ ଚିତ୍ର...