ମହାପ୍ରଭୁଙ୍କ ଶରଣରେ ବଲିଉଡ୍ ଅଭିନେତା କିରଣ କୁମାର, କହିଲେ ମୋର ପରମ ସୌଭାଗ୍ୟ ଜଗା ଦର୍ଶନ କଲି - ବଲିଉଡ୍ ଅଭିନେତା କିରଣ କୁମାର

ପୁରୀ: ପୁରୀ ଗସ୍ତରେ ଆସି ମହାପ୍ରଭୁଙ୍କୁ ଦର୍ଶନ କଲେ ବଲିଉଡ୍ ଅଭିନେତା କିରଣ କୁମାର । ବଲିଉଡର ଭେଟେରାନ୍ ଆକ୍ଟର କିରଣ କୁମାର ଆଜି ସନ୍ଧ୍ୟାରେ ଶ୍ରୀମନ୍ଦିର ଯାଇ ଚତୁର୍ଦ୍ଧାବିଗ୍ରହଙ୍କ ଦର୍ଶନ ସହ ଆଶିଷ ଲାଭ କରିଛନ୍ତି । ଶ୍ରୀମନ୍ଦିର ସିଂହଦ୍ଵାର ଠାରେ କିରଣ କୁମାର ପହଞ୍ଚିବା ପରେ ସେବାୟତମାନେ ତାଙ୍କୁ ଖଣ୍ଡୁଆ ପାଟ ଦେଇ ସ୍ବାଗତ କରିଥିଲେ । ପ୍ରଥମେ ପତିତପାବନ ଓ ପରେ ରତ୍ନସିଂହାସନରେ ବିରାଜିତ ଚତୁର୍ଦ୍ଧାବିଗ୍ରହଙ୍କ ଦର୍ଶନ କରି ନିଜକୁ ଧନ୍ୟ ମନେ କରିଥିଲେ କିରଣ । ଏଥିସହ ମା ବିମଳା, ଲକ୍ଷ୍ମୀ ଓ ଅନ୍ୟାନ୍ୟ ପାର୍ଶ୍ଵ ଦେବଦେବୀଙ୍କ ଦର୍ଶନ ସହ ପୂଜାର୍ଚ୍ଚନା କରିଥିଲେ । ଭାଗ୍ୟରେ ଥିଲେ ପୁରୀ ଆସି ମହାପ୍ରଭୁଙ୍କ ଦର୍ଶନର ସୁଯୋଗ ମିଳିଥାଏ । ଏହା ମୋର ପରମ ସୌଭାଗ୍ୟ ମୁଁ ଜଗତର ନାଥ ଜଗନ୍ନାଥଙ୍କୁ ଦର୍ଶନ କଲି ବୋଲି କହିଛନ୍ତି କିରଣ କୁମାର।
 

ଏହା ମଧ୍ୟ ପଢନ୍ତୁ...ଜଗା ଦର୍ଶନ ହେଲା ଶେଷ ଦର୍ଶନ, କାଳିଆ ଦ୍ବାରରେ ଟଳିପଡ଼ିଲେ ଉତ୍ତରପ୍ରଦେଶ ପର୍ଯ୍ୟଟକ

ଇଟିଭି ଭାରତ, ପୁରୀ