Watch Video: ଟ୍ରକ ରଶିରେ ଟାଣି ହୋଇ ଓଲଟି ପଡିଲେ ବାଇକ ଚାଳକ

ଚେନ୍ନାଇ: ସାର ବୋଝେଇ ଟ୍ରକରେ ବନ୍ଧା ହୋଇଥିବା ରଶିରେ ଫସିଲା ଯୁବକଙ୍କ ବେକ । ବାଇକ୍ ନେଇ ଯାଉଥିବା ବେଳେ ଟ୍ରକ ରଶିରେ ଛନ୍ଦି ହୋଇ ରାସ୍ତା ଉପରେ ଓଲଟି ପଡିଲେ ଯୁବକ । ତାମିଲନାଡୁର ତୁତିକୋରିନ ଅଞ୍ଚଳରେ ଘଟିଥିବା ଏହି ଦୁର୍ଘଟଣାର ସିସିଟିଭି ଫୁଟେଜ ଏବେ ସାମ୍ନାକୁ ଆସିଛି । ଭିଡିଓରେ ଦେଖାଯାଇଛି, ଏକ ଟ୍ରକ ସାର ବସ୍ତା ନେଇ ଯାଉଥିଲା । ଏତିକି ବେଳେ ଟ୍ରକରେ ବନ୍ଧା ହୋଇଥିବା ରଶି ଢିଲା ହୋଇଯାଇଥିଲା । ଫଳରେ ସେହି ଟ୍ରକକୁ ଅତିକ୍ରମ କରି ଯାଉଥିବା ବେଳେ ଜଣେ ବାଇକ୍ ଚାଳକଙ୍କ ବେକରେ ରଶିଟି ଫସି ଯାଇଥିଲା ଓ ଚାଳକ ରାସ୍ତା ଉପରେ ଓଲଟି ପଡିଥିଲେ । ତେବେ ସୌଭାଗ୍ୟବଶତଃ ବାଇକ ଚାଳକଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି । ଏଥିରେ ସେ କେବଳ ଖଣ୍ଡିଆ ଖାବରା ହୋଇଛନ୍ତି ।