ବିହାରରେ ବାଗେଶ୍ବର ବାବା, ହିନ୍ଦୁରାଷ୍ଟ୍ର ଦାବିକୁ ଆଶ୍ଚର୍ଯ୍ୟଜନକ କହିଲେ ନୀତିଶ - ବିହାରରେ ଧିରେନ୍ଦ୍ର ଶାସ୍ତ୍ରୀ

ପାଟନା:ମଧ୍ୟପ୍ରଦେଶ ବାଗେଶ୍ବର ଧାମ ମୁଖ୍ୟ ତଥା ଆତ୍ମଘୋଷିତ ବାବା ଧିରେନ୍ଦ୍ର ଶାସ୍ତ୍ରୀଙ୍କ ବିହାର ଗସ୍ତକୁ ନେଇ ରାଜନୀତି ଜୋର ଧରିଛି । ହିନ୍ଦୁରାଷ୍ଟ୍ର ଦାବିକୁ ବାରମ୍ବାର ଦୋହରାଉଛନ୍ତି ବାଗେଶ୍ବର ବାବା । ଏହି ପ୍ରସଙ୍ଗରେ ଆଜି ମୁଖ୍ୟମନ୍ତ୍ରୀ ନୀତିଶ କୁମାର ଗଣମାଧ୍ୟମ ପ୍ରଶ୍ନର ଉତ୍ତର ଦେଇ ହିନ୍ଦୁରାଷ୍ଟ୍ର ଦାବିକୁ ଆଶ୍ଚର୍ଯ୍ୟଜନକ ବୋଲି କହିଛନ୍ତି । ରାଷ୍ଟ୍ରପିତା ମହାତ୍ମା ଗାନ୍ଧୀଙ୍କ ସମେତ ବହୁ ସ୍ବାଧୀନତା ସଂଗ୍ରାମୀ ଦେଶର ସ୍ବାଧୀନତା ପାଇଁ ଲଢିଲେ । ଏବେ ସେହି ଦେଶର ନାମ ପରିବର୍ତ୍ତନ କରିବାର ଦାବି କରାଯାଉଛି । ଯେଉଁମାନେ ଏପରି ଦାବି କରୁଛନ୍ତି, ସେମାନେ ସ୍ବାଧୀନତା ସଂଗ୍ରାମ ବେଳେ ଜନ୍ମ ହୋଇଥିଲେ କି ? ସମସ୍ତଙ୍କୁ ନିଜ ଧର୍ମ ପାଳନ କରିବାର ସ୍ବାଧୀନତା ଓ ଅଧିକାର ରହିଛି । କିନ୍ତୁ ଏପରି କଥା କହିବାର କ’ଣ ଆବଶ୍ୟକତା ରହିଛି । ସମ୍ବିଧାନ କଣ ବଦଳା ଯାଇପାରିବ କି ବୋଲି ପାଲଟା ପ୍ରଶ୍ନ କରିଥିଲେ ନୀତିଶ । ଶୁଣନ୍ତୁ କଣ କହୁଛନ୍ତି ନୀତିଶ...