Raja Celebration: ରାଜଧାନୀରେ ଫାୟାର ପାନର କ୍ରେଜ - ରଜ 2023

ଭୁବନେଶ୍ବର:ଓଡ଼ିଶାର ଗଣ ପର୍ବ ରଜ ତିନିଦିନ ଧରି ବେଶ ଧୁମଧମରେ ପାଳନ ହେଉଥିବା ବେଳେ ଆଜି ହେଉଛି ଶେଷ ରଜ ବା ଭୂମି ଦହନ । ଆଜି ପରେ ପୁଣି ଆର ବରଷକୁ ଅପେକ୍ଷା । ଖାସ ସେଥିପାଇଁ ଆଜି ଶେଷ ଦିନରେ ଲୋକମାନେ ପାନ ଖାଇ ରଜର ମଉଜ କରୁଛନ୍ତି । ଆଉ ଏହି ମଉଜ ଭିତରେ ବିଭିନ୍ନ ପ୍ରଜାତିର ପାନ ଖାଉଥିବା ବେଳେ ଫାୟାର ପାନର କ୍ରେଜ ଦେଖିବାକୁ ମିଳିଛି । ଛୋଟଠୁ ବଡ ସମସ୍ତେ ନ ଡରି ଏହି ଫାୟାର ପାନର ମଜା ନେଉଛନ୍ତି । ଆଉ ଏହି ଫାୟାର ପାନର ଷ୍ଟଲ ଲାଗିଛି ସତସଙ୍ଗ ବିହାରରେ ଥିବା ମନ ମନୋଜ ଭାଇଙ୍କ ମିଠା ପାନ ଦୋକାନରେ । ତିନିଦିନ ହେଲା ରଜ ମଉଜ ଭିତରେ ଏହି ଦୋକାନରୁ ସ୍ଥାନୀୟ ବାସିନ୍ଦା ପାନ ଖାଇ ଖୁସି ମନାଇଛନ୍ତି । ତେବେ ଏହି ନୂଆ ପ୍ରକାରର ପାନ ଖାଇବାକୁ ମଧ୍ୟ ରାଜଧାନୀବାସୀଙ୍କ ମନରେ ଉତ୍କଣ୍ଠା ଦେଖିବାକୁ ମିଳିଛି।  

ଇଟିଭି ଭାରତ, ଭୁବନେଶ୍ବର