Balasore Train Accident: ଏଇଟା ରାଜନୀତି ସମୟ ନୁହଁ କହିଲେ ଅପରାଜିତା - ସାଂସଦ ଅପରାଜିତା ଷଡଙ୍ଗୀ

କଟକ: କରମଣ୍ଡଳ ଟ୍ରେନ ଦୁର୍ଘଟଣାରେ ଆହତ ଯାତ୍ରୀଙ୍କୁ  କଟକ ଏସସିବି ମେଡିକାଲରେ ଭେଟିଛନ୍ତି ସାଂସଦ ଅପରାଜିତା ଷଡଙ୍ଗୀ। ଆହତଙ୍କୁ ଭେଟି ସ୍ବାସ୍ଥ୍ୟବସ୍ଥା ପଚାରି ବୁଝିବା ସହ ଆଶୁ ଆରୋଗ୍ୟ କାମନା କରିଛନ୍ତି ଅପରାଜିତା। ଏହା ସହ ଆହତଙ୍କ ଚିକିତ୍ସା ବ୍ୟବସ୍ଥା ସମ୍ପର୍କରେ ମେଡିକାଲ କର୍ତ୍ତୃପକ୍ଷଙ୍କ ସହ ଆଲୋଚନା କରିଛନ୍ତି । କଟକ ଏସସିବିରେ ଆହତଙ୍କୁ ଭେଟିବା ପରେ  ସବୁ ବିଭାଗରେ ଆହତ ମାନଙ୍କୁ ଭଲ ଚିକିତ୍ସା ଯୋଗାଇ ଦିଆଯାଉଛି ବୋଲି କହିଛନ୍ତି । ଆହତଙ୍କୁ ଉତ୍ତମ ଚିକିତ୍ସା ସେବା ଯୋଗାଇ ଦେବା ପାଇଁ ସବୁ ବିଭାଗରେ ଡାକ୍ତର ମାନେ ଅକ୍ଲାନ୍ତ ପରିଶ୍ରମ କରୁଛନ୍ତି। ସବୁ ଆହତ ଧୀରେ ଧୀରେ ସୁସ୍ଥ ହେଉଛନ୍ତି। ଏସସିବିରେ କାହାରି ମୃତ୍ୟୁ ହୋଇନାହିଁ। ଏବେ ରାଜନୀତି କରିବାର ସମୟ ନୁହେଁ।  ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ସମନ୍ବୟରେ ଆହତ ମାନଙ୍କୁ ସମସ୍ତ ଚିକିତ୍ସା ଯୋଗାଇ ଦିଆଯାଉଛି ବୋଲି କହିଛନ୍ତି ସାଂସଦ ଅପରାଜିତା ତେବେ ବାଲେଶ୍ୱର ବାହାନଗା ଟ୍ରେନ ଟ୍ରାଜେଡିରେ 288 ଜଣଙ୍କ ମୃତ୍ୟୁ ଘଟିଛି ।

ଇଟିଭି ଭାରତ, କଟକ