Asia Cup 2023 Final: ଭାରତର ବିଜୟ ନେଇ କୁନି କ୍ରୀଡାପ୍ରେମୀଙ୍କ ଦୃଢୋକ୍ତି
Published : Sep 17, 2023, 11:22 AM IST
ରାଉରକେଲା: ଆଉ ମାତ୍ର କିଛି ଘଣ୍ଟାର ଅପେକ୍ଷା । ଏସିଆ କପରେ ଆରମ୍ଭ ହୋଇଯିବ ଫାଇନାଲ ଫାଇଟ । ମୁହାଁମୁହିଁ ହେବେ ଭାରତ ଓ ଶ୍ରୀଲଙ୍କା । ସୁପର ସଣ୍ଡେରେ ସୁପର ମ୍ୟାଚ ଦେଖିବାକୁ ଉତ୍ସାହର ସହ ଅପେକ୍ଷା କରିଛନ୍ତି ଦର୍ଶକ । ସାରା ବିଶ୍ବର ନଜର ରହିଛି ଆଜିର ମ୍ୟାଚ ଉପରେ । କିଏ ହାତେଇବ ଏସିଆ କପ ଭାରତ ନା ଶ୍ରୀଲଙ୍କା, ସେହି ସମୟକୁ ଅପେକ୍ଷା କରିଛନ୍ତି କ୍ରିକେଟ ପ୍ରେମୀ । 1984 ମସିହାରୁ ଆରମ୍ଭ ହୋଇଥିବା ଏସିଆ କପ ଟୁର୍ଣ୍ଣାମେଣ୍ଟରେ ଭାରତ ସାତ ଥର ବିଜୟୀ ହୋଇଥିବା ବେଳେ ଶ୍ରୀଲଙ୍କା ଛଅ ଥର ବିଜୟୀ ହୋଇଛି । ତେଣୁ ଏସିଆ କପର 16 ତମ ସଂସ୍କରଣରେ କିଏ ହାତଉଛି ତାହା ଉପରେ ସମସ୍ତଙ୍କ ନଜର । ଭାରତ ଓ ଶ୍ରୀଲଙ୍କା ମଧ୍ୟରେ ଫାଇନାଲ ମ୍ୟାଚକୁ ନେଇ ବେସ ଉତ୍ସାହିତ ଅଛନ୍ତି ରାଉରକେଲାର କ୍ରୀଡାପ୍ରେମୀ । ସିଭିଲ ଚାର୍ଜର୍ସ କ୍ଳବର ସମସ୍ତ ଖେଳାଳି ଭାରତୀୟ ଦଳକୁ ଚିୟର ଅପ କରିଛନ୍ତି । ଦୁଇ ଦଳ ମଧ୍ୟରେ ଆଜି ଏକ ସଂଘର୍ଷପୂର୍ଣ୍ଣ ମ୍ୟାଚ ହେବ ବୋଲି ଆଶା ରଖିଛନ୍ତି କ୍ରିକେଟ ପ୍ରେମୀ । ପୂର୍ବ ମ୍ୟାଚରେ ଭାରତ ବାଂଲାଦେଶ ଠାରୁ ପରାଜୟ ହେବା ପରେ କ୍ରିକେଟ ପ୍ରେମୀ ହତାଶ ହୋଇପଡିଥିଲେ । କିନ୍ତୁ ଆଜିର ମ୍ୟାଚ ନିଶ୍ଚିତ ଭାବରେ ଭାରତର ସପକ୍ଷରେ ରହିବ ବୋଲି ସମସ୍ତଙ୍କ ଆଶା।
ଇଟିଭି ଭାରତ, ସୁନ୍ଦରଗଡ