ହକି ଫିଭର: ସଜେଇ ହେଉଛି ସ୍ମାର୍ଟ ସିଟି ରାଉରକେଲା, ଝଲସୁଛି କାନ୍ଥବାଡ - ରାଉରକେଲା ସହରର କାନ୍ଥ

ରାଉରକେଲା: ସଜେଇ ହେଉଛି ରାଉରକେଲା ସହର । ନୂଆ ରୂପରଙ୍ଗ ନେଇ ସୁନ୍ଦର ଭାବରେ ସଜେଇ ହେଉଛି ସମ୍ପୂର୍ଣ୍ଣ ରାଉରକେଲା । ହକି ବିଶ୍ବକପକୁ ମାତ୍ର ଆଉ କେଇଟା ଦିନ ଥିବାରୁ ଏହାକୁ ନେଇ ଚାଲିଛି ପ୍ରସ୍ତୁତି । ଏହା ମଧ୍ୟରୁ ରାଉରକେଲା ସହରକୁ ଅଧିକ ସୁନ୍ଦର କରିବାରେ ମୁଖ୍ୟ ଭୂମିକା ନେଇଛି ରାଉରକେଲା ସହରର କାନ୍ଥ । ରାଉରକେଲା ଲୋକଙ୍କୁ ସବୁଠାରୁ ଅଧିକ ଆକୃଷ୍ଟ କରୁଛି ଏହି କାନ୍ଥରେ ତିଆରି କରାଯାଉଥିବା ଚିତ୍ର । ବିଭିନ୍ନ ପ୍ରକାର ଚିତ୍ର ସୁନ୍ଦର ଭାବରେ ସୁନ୍ଦରଗଡ଼ ଜିଲ୍ଲାର ଆଦିବାସୀ ସଂସ୍କୃତି ସହ ଓଡ଼ିଶାର ସଂସ୍କୃତି ଏବଂ ଓଡ଼ିଶାର ତଥା ବିଶ୍ବର ସବୁଠୁ ଆକୃଷ୍ଟ କରୁଥିବା ଜାଗା ସହ ବିଭିନ୍ନ ସୁନ୍ଦର ଜିନିଷକୁ ଏହି କାନ୍ଥରେ ଚିତ୍ର କରାଯାଉଛି ।