ସଙ୍କଟମୋଚନ ସାଜିଲେ ରେଳବାଇ ଅଧିକାରୀ, ବଞ୍ଚାଇଲେ ବୃଦ୍ଧଙ୍କ ଜୀବନ - mangaluru news
ମାଙ୍ଗାଲୁରୁ:ରେଳବାଇ ଅଧିକାରୀଙ୍କ ଉପସ୍ଥିତ ବୁଦ୍ଧି ଯୋଗୁ ବଞ୍ଚିଲା ବୃଦ୍ଧଙ୍କ ଜୀବନ। କର୍ଣ୍ଣାଟକ ଜିଲ୍ଲାର ମାଙ୍ଗାଲୁରୁ ଷ୍ଟେସନରେ ବୃଦ୍ଧଙ୍କୁ ରେସ୍କ୍ୟୁ ସମୟର ଦୃଶ୍ୟ ଷ୍ଟେସନରେ ଥିବା ସିସିଟିଭିରେ କଏଦ ହୋଇଛି। ସୂଚନା ଅନୁସାରେ, ଗୁରୁବାର ମାଙ୍ଗାଲୁରୁ ସ୍ଥିିତ ସେଣ୍ଟ୍ରାଲ ରେଲୱେ ଷ୍ଟେସନରେ ଶଙ୍କର ବାବୁ ନାମକ ଜଣେ ବ୍ୟକ୍ତି ଯିବା ସମୟରେ ହଠାତ ଟ୍ରେନ ଛାଡି ଦେଇଥିଲା। ସେହି ସମୟରେ ତାଙ୍କୁ ମୃତ୍ୟୁ ମୁଖରୁ ବଞ୍ଚାଇଥିଲେ ସେଠାରେ ଉପସ୍ଥିତ ଥିବା RPF ଅଧିକାରୀ।
ଏହା ବି ଦେଖନ୍ତୁ...ଆଖି ପିଛୁଳାକେ ବଞ୍ଚିଲା ଜୀବନ, ଦେଖନ୍ତୁ ଭିଡିଓ
ଶଙ୍କର ବାବୁ ମାଲାବାର ଏକ୍ସପ୍ରେସରେ ଯାତ୍ରା କରିବା ପାଇଁ ଆସିବା ସମୟରେ ବିଳମ୍ବ ହେବାରୁ ଟ୍ରେନ ଛାଡି ଦେଇଥିଲା। ଆଉ ସେହି ସମୟରେ S-6 କୋଟ୍ ନିକଟରେ ଶଙ୍କର ବିପଦପୂର୍ଣ୍ଣ ଅବସ୍ଥାରେ ଥିବାବେଳେ ସେଠାରେ ଉପସ୍ଥିତ ଥିବା ରେଳବାଇ ଅଧିକାରୀ ତାଙ୍କୁ ମୃତ୍ୟୁ ମୁଖରୁ ବଞ୍ଚାଇଥିଲେ। ଶଙ୍କରଙ୍କର ଡାହାଣ ଗୋଡ଼ର ଆଙ୍ଗୁଠିରେ ସାମାନ୍ୟ କ୍ଷତ ହୋଇଥିବାବେଳେ ସେ ବିଶେଷ ଆହତ ହୋଇନଥିବା ଜଣା ପଡିଛି। ଉଦ୍ଧାରକାର୍ଯ୍ୟ ପାଇଁ RPF ଅଧିକାରୀ ପ୍ରକାଶଙ୍କୁ ସବୁ ମହଲରେ ପ୍ରଶଂସା କରାଯାଇଛି।