ମଦ ଛଡ଼ାଇ ନେଉଛି ମଦ୍ୟପ ମାଙ୍କଡ଼, ଚିନ୍ତାରେ ବ୍ୟବସାୟୀ - ରାଏବରେଲୀରେ ମଦ୍ୟପ ମାଙ୍କଡ଼

ଲକ୍ଷ୍ନୌ: ମଦ ଛଡ଼ାଇ ନେଉଛି ମଦ୍ୟପ ମାଙ୍କଡ଼ । ଉତ୍ତର ପ୍ରଦେଶର ରାଏବରେଲୀରେ ଏକ ମଦ୍ୟପ ମାଙ୍କଡ଼କୁ ନେଇ ଚିନ୍ତାରେ ପଡ଼ି ଯାଇଛନ୍ତି ମଦ ବ୍ୟବସାୟୀ । ସ୍ଥାନୀୟ ବ୍ୟବସାୟୀଙ୍କ ମୁତାବକ ମାଙ୍କଡ଼ଟି ମଦପ୍ରିୟ । ଏଣୁ ପ୍ରତ୍ୟେକ ଦିନ ରାତିରେ ମାଙ୍କଡ଼ଟି ମଦ ଦୋକାନ ଭାଙ୍ଗି ମଦ ଚୋରି କରୁଛି । ମାଙ୍କଡ଼ ମଦ ପିଉଥିବା ବେଳେ ସ୍ଥାନୀୟ ଲୋକେ ଭିଡିଓ ରେକର୍ଡ କରିଛନ୍ତି । ଖାଲି ସେତିକି ନୁହେଁ ଏହି ଅଞ୍ଚଳରେ ଥିବା ମଦ ଦୋକାନକୁ କିଣିବାକୁ ଆସୁଥିବା ଲୋକଙ୍କଠାରୁ ମାଙ୍କଡ଼ ମଦ ଛଡ଼ାଇ ନେଉଥିବା ଅଭିଯୋଗ ହୋଇଛି । ସେପଟେ ଏହାକୁ ନେଇ ମଦ ଦୋକାନୀ ସ୍ଥାନୀୟ ଅବକାରୀ ବିଭାଗ ନିକଟରେ ଅଭିଯୋଗ କରିଛନ୍ତି । ବନ ବିଭାଗ ସହାୟତାରେ ମାଙ୍କଡ଼କୁ ଧରିବାକୁ ପ୍ରୟାସ କରାଯାଉଛି ବୋଲି କହିଛନ୍ତି ସ୍ଥାନୀୟ ଅବକାରୀ ଅଧିକାରୀ ।