ସଉଦା ଆଣିବାକୁ ଯାଇ ବନ୍ୟା ଜଳରେ ଭାସି ଯାଇଥିଲେ ଅକ୍ଷୟ ନାୟକ
ବନ୍ୟାର କରାଳ ରୂପ, ନଦୀସ୍ରୋତରେ ଭାସି ଜଣେ ମୃତ
ଯାଜପୁର: ରାଜ୍ୟରେ ବର୍ଷା ଥମୁନଥିବା ବେଳେ ବିଭିନ୍ନ ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ବନ୍ୟା ପ୍ରଭାବରେ ବିଭିନ୍ନ ଅଘଟଣ ସାମ୍ନାକୁ ଅସୁଥିବା ବେଳେ ଯାଜପୁରରେ ବନ୍ୟାଜଳ ଭାସି ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ଏପରି ଅଘଟଣ ଯାଜପୁର ଶିମିଳିଆ ପଞ୍ଚାୟତର ଓଲେଇପଡ଼ା ଗ୍ରାମରେ ଘଟିଛି । ସୂଚନା ଅନୁଯାୟୀ, ଅକ୍ଷୟ ନାୟକ ସଉଦା ଆଣିବାକୁ ଯାଇ ବନ୍ୟା ଜଳରେ ଭାସି ଯାଇଥିଲେ। ଖବର ପାଇ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ବନ୍ୟା ଜଳରେ ଖୋଜାଖୋଜି କରିବା ପରେ ଅକ୍ଷୟକୁ ଉଦ୍ଧାର କରି ଚିକିତ୍ସା ପାଇଁ ଯାଜପୁର ମୁଖ୍ୟ ଚିକିତ୍ସାଳୟକୁ ଆଣିଥିଲେ । ହେଲେ ସେଠାରେ ଡାକ୍ତର ଅକ୍ଷୟଙ୍କୁ ମୃତ ଘୋଷଣା କରିଥିଲେ । ତେବେ ଏହି ଘଟଣାକୁ ନେଇ ଅଞ୍ଚଳରେ ଶୋକର ଛାୟା ଖେଳିଯିବା ସହ ଲୋକେ ଭୟଭୀତ ଅବସ୍ଥାରେ ରହିଛନ୍ତି । ଯାଜପୁରରେ ଏବେବି ବୈତରଣୀରେ ବନ୍ୟାଜଳ ବିପଦ ସଙ୍କେତ ଉପରେ ପ୍ରବାହିତ ହେଉଛି । ବୈତରଣୀ ନଦୀରେ ବନ୍ୟା ଆସିଵା ପରେ ଏହାର ଶାଖା ବୁଢ଼ା ନଦୀର ଜଳସ୍ତର ବୃଦ୍ଧି ପାଇଛି ।
ଇଟିଭି ଭାରତ, ଯାଜପୁର