ଜଗତସିଂହପୁରେ ରାମ ନବମୀ ଅବସରରେ ବିଶ୍ବହିନ୍ଦୁ ପରିଷଦର ବିଶାଳ ଶୋଭାଯାତ୍ରା

ଜଗତସିଂହପୁର: ପବିତ୍ର ରାମ ନବମୀ ଅବସରରେ ଉତ୍ସବମୁଖରିତ ଗାଁଠୁ ସହର । ଜଗତସିଂହପୁରରେ ପବିତ୍ର ରାମ ନବମୀ ଅବସରରେ ଜିଲ୍ଲା ବିଶ୍ବହିନ୍ଦୁ ପରିଷଦ ପକ୍ଷରୁ ବିରାଟ ପଟୁଆରାରେ ବାହାରିଥିଲା । ଏହି ଶୋଭାଯାତ୍ରାରେ ହଜାରହଜାର ସଂଖ୍ୟାରେ ବିଶ୍ବହିନ୍ଦୁ ପରିଷଦର କର୍ମୀମାନେ ଯୋଗ ଦେଇଥିଲେ । ଜୟ ଶ୍ରୀରାମ ଜୟ ହନୁମାନ ଧ୍ୱନିରେ ସମଗ୍ର ସହର ମୁଖରିତ ହୋଇ ପଡ଼ିଥିଲା । ସନ୍ଧ୍ୟା 6ଟା ସମୟରେ ଏହି ଯାତ୍ରା ବାହାରି ଥିଲା । ମର୍ଯ୍ୟାଦା ପୁରୁଷୋତ୍ତମ ଭଗବାନ ରାମଙ୍କ ଜନ୍ମତିଥି ଅବସରରେ ଏହି ଶୋଭାଯାତ୍ର କରାଯାଇଛି । ବିଶ୍ବହିନ୍ଦୁ ପରିଷଦର ଜିଲ୍ଲା ସଭାପତି ପ୍ରଫୁଲ କୁମାର ସାହୁଙ୍କ ନେତୃତ୍ୱରେ ଏହି ଶୋଭାଯାତ୍ର କରାଯାଇଥିବା ବେଳେ ଜଗତସିଂହପୁର ବିଜେପି ଜିଲ୍ଲା ସଭାପତି ସତ୍ୟବ୍ରତ ମହାପାତ୍ର ଏଥିରେ ଯୋଗ ଦେଇଥିଲେ । ବିଶ୍ୱରେ ଶାନ୍ତି ପ୍ରତିଷ୍ଠା ଓ ଦେଶର ସୁରକ୍ଷା ଓ ରାଷ୍ଟ୍ର ଚେତନା ଉପରେ ଯୁବଶକ୍ତିମାନଙ୍କୁ ଏକତ୍ର କରି ରାଷ୍ଟ୍ରହିତରେ କାର୍ଯ୍ୟ କରିବାକୁ  କୁହାଯାଇଛି ।
 

ଇଟିଭି ଭାରତ,ଜଗତସିଂହପୁର