ହର୍ଷ ଉଲାସରେ 77ତମ ସ୍ବଧୀନତା ଦିବସ ପାଳିତ, ମନେ ପଡନ୍ତି ସ୍ୱାଧୀନତା ସଂଗ୍ରାମୀ - ମିନି ଷ୍ଟାଡିୟମ ନୂଆପଡା

ନୂଆପଡା:ମିନି ଷ୍ଟାଡିୟମଠାରେ 77ତମ ଜିଲ୍ଲାସ୍ତରୀୟ ସ୍ୱାଧୀନତା ଦିବସ ହର୍ଷ ଉଲ୍ଲାସରେ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବରେ ନୂଆପଡା ଜିଲ୍ଲାପାଳ ହେମକାନ୍ତ ସାଏ ଯୋଗଦେଇ ଜାତୀୟ ପତାକା ଉତ୍ତୋଳନ କରି ଜିଲ୍ଲାବାସୀଙ୍କୁ ସମ୍ବୋଧିକ କରିଥିଲେ । ଦେଶସ୍ବାଧୀନତା ସଂଗ୍ରାମରେ ଝାସଦେଇ ନିଜ ଜୀବନକୁ ବଳିଦାନ ଦେଇଥିବା ନୂଆପଡା ଜିଲ୍ଲାର ବୀର ସ୍ବାଧୀନତା ସଂଗ୍ରାମୀମାନଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ । 

ଜିଲ୍ଲାର ଗର୍ବ ଓ ଗୌରବ ଐତିହାସିକ ସାଲିହାଗଡ଼ ଗୁଳିକାଣ୍ଡ ଘଟଣାକୁ ମନେପକାଇ ବୀର ସ୍ବାଧୀନତା ସଂଗ୍ରାମୀମାନଙ୍କ ସାହସିକତାକୁ ପ୍ରଶଂସା କରିଥିଲେ । ଏହି ଅବସରରେ ନୂଆପଡା ଜିଲ୍ଲା ଏକ ଅଗ୍ରଣୀ ଜିଲ୍ଲା ଭାବରେ ନିଜର ପରିଚୟ ସୃଷ୍ଟି କରିପାରିଛି । ଜିଲ୍ଲାକୁ ଆହୁରି ପ୍ରଗତିପଥେ ଆଗେଇନେବାକୁ ଜିଲ୍ଲାବାସୀ ସାଧାରଣଜନତା, ରାଜନେତା, ଅଧିକାରୀ, ଯୁବକ, ଯୁବତୀ, ଛାତ୍ରଛାତ୍ରୀ ସମସ୍ତଙ୍କ ସହଯୋଗ କାମନା କରିଛନ୍ତି । ଜିଲ୍ଲାସ୍ତରୀୟ ସ୍ବାଧୀନତା ଦିବସରେ 25ଗୋଟି ପ୍ୟାରେଡ୍ ଦଳ ଅଂଶଗ୍ରହଣ କରିଥିଲେ ।  

ଇଟିଭି ଭାରତ, ନୂଆପଡା