ଦେବଗଡରୁ ୧୦ ଫୁଟ ଲମ୍ବର ଅଜଗର ଉଦ୍ଧାର

ଦେବଗଡ:ଦେବଗଡରୁ ଦଶ ଫୁଟ ଲମ୍ବର ଅଜଗର ସାପ ଉଦ୍ଧାର । ଦେବଗଡ଼ ପୌରାଞ୍ଚଳ ଅନ୍ତର୍ଗତ ରାଜାମୁଣ୍ଡା ସ୍ଥିତ ଜୈନିକ ବ୍ୟବସାୟୀଙ୍କ ଘର ନିକଟସ୍ଥ ଅମରି ବଣରୁ ଅଜଗର ସାପ ଉଦ୍ଧାର ହୋଇଛି । ତେବେ ସାପଟିକୁ ସୁରକ୍ଷିତ ଭାବେ ଉଦ୍ଧାର କରି ଜଙ୍ଗଲରେ ଛାଡ଼ି ଦେଇଛି ଦେବଗଡ଼ ବନବିଭାଗ । ସୂଚନା ମୁତାବକ, ଅମରି ବଣରୁ ଏକ ବିଶାଳ ଅଜଗର ସାପ ଥିବା ନେଇ ସ୍ଥାନୀୟ ଲୋକେ ଦେଖିଥିଲେ । ଏନେଇ ତୁରନ୍ତ ଦେବଗଡ଼ ବନବିଭାଗକୁ ଖବର ଦେଇଥିଲେ । ଦେବଗଡ଼ ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଅଜଗରଟିକୁ ଉଦ୍ଧାର କରିବାକୁ ପ୍ରୟାସ କରିଥିଲେ । ମାତ୍ର ଦୀର୍ଘ ସମୟ ପ୍ରୟାସ ପରେ ସାପକୁ ଧରିବାରେ ଅସଫଳ ହେବାରୁ ସହରର ଜଣେ ସାପ ଧରାଳିଙ୍କ ସହାୟତାରେ ଅଜଗରଟିକୁ ଅମରି ବଣରୁ ଉଦ୍ଧାର କରାଯାଇଛି । ତେବେ ଅଜଗରଟି ୧୦ଫୁଟ ଲମ୍ବ ଓ ପ୍ରାୟ ଦେଢ଼ ଫୁଟ ଓସାର ଥିବା ଜଣାଯାଇଛି । ସେହିପରି ଅଜଗରଟି ସହର ନିକଟସ୍ଥ ପ୍ରଧାନପାଟ ସଂରକ୍ଷିତ ଜଙ୍ଗଲରୁ ଖାଦ୍ୟ ଅନ୍ୱେଷଣରେ ସହରକୁ ପଶି ଆସିଥିବା କୁହାଯାଉଛି ।
ଏହା ମଧ୍ୟ ପଢନ୍ତୁ- ଅଙ୍ଗନୱାଡି କେନ୍ଦ୍ରରେ ଛପିଥିଲା ଅଜଗର

ଇଟିଭି ଭାରତ, ଦେବଗଡ଼