ପୌର ଫାଇଟ୍: କୋଣାର୍କରେ ବିଜେଡି ପ୍ରାର୍ଥୀଙ୍କ ପ୍ରଚାର ଆରମ୍ଭ - କୋଣାର୍କ ଏନଏସି ନିର୍ବାଚନ
କୋଣାର୍କ(ପୁରୀ): କୋଣାର୍କରେ NAC ନିର୍ବାଚନ ନେଇ ରାଜନୈତିକ ପାଣିପାଗ ସରଗରମ । ବିଧିବଦ୍ଧ ଭାବେ ପ୍ରଚାର ଆରମ୍ଭ ହୋଇ ନ ଥିବା ବେଳେ କାଉନସିଲର ପ୍ରାର୍ଥୀ ମାନେ ଭୋଟରଙ୍କ ସମର୍ଥନ ହାସଲ ପାଇଁ ଏବେ ଘର ମୁହାଁ ପ୍ରାର୍ଥୀ । ଭୋଟରଙ୍କ ସମର୍ଥନ ହାସଲ ପାଇଁ ପ୍ରାର୍ଥୀ ମାନେ ବିଭିନ୍ନ ପ୍ରସଙ୍ଗ ନେଇ ନିର୍ବାଚନ ଲଢ଼ୁଛନ୍ତି। କୋଣାର୍କରେ ବିଜେଡିର ପ୍ରାର୍ଥୀ ମାନେ ଏବେ ଘରକୁ ଘର ବୁଲି ଭୋଟରଙ୍କ ସହ ଆଲୋଚନା କରି ସମର୍ଥନ ଲୋଡିଛନ୍ତି। ବିଶେଷ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକାଭିମୁଖୀ ଯୋଜନା, କୋଣାର୍କ ଏନଏସି ପାଇଁ ବିକାଶ ପ୍ରକଳ୍ପ ନେଇ ଭୋଟ ଭିକ୍ଷା କରୁଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ମଳ ଭାବମୂର୍ତ୍ତୀକୁ ନେଇ କୋଣାର୍କରେ ବିଜେଡି ବିପୁଳ ବିଜୟ ହାସଲ କରିବ ବୋଲି ବିଜେଡିର ପ୍ରାର୍ଥୀ ମାନେ କହିଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
Last Updated : Feb 3, 2023, 8:19 PM IST