ବିରୋଧୀଙ୍କ ଅର୍ଥ ବଳ, ବାହୁବଳ ବିଜୟ ଅଭିଯୋଗକୁ ନବନିର୍ବାଚିତ ଭୁବନେଶ୍ବର ମେୟର ସୁଲୋଚନାଙ୍କ ଖଣ୍ଡନ - ମହିଳା ମେୟର ସୁଲୋଚନାଙ୍କ ପ୍ରତିକ୍ରିୟା

ଭୁବନେଶ୍ବର: ରାଜଧାନୀ ଭୁବନେଶ୍ବରର ପ୍ରଥମ ମହିଳା ମେୟର ହୋଇଥିବା ବିଜେଡିର ସୁଲୋଚନା ଦାସ ବିରୋଧୀଙ୍କ ଅର୍ଥ ବଳ, ବାହୁବଳର ବିଜୟ ଅଭିଯୋଗକୁ ଖଣ୍ଡନ କରିଛନ୍ତି । ଭୁବନେଶ୍ବରବାସୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛ ଭାବମୂର୍ତ୍ତି ସହ ରାଜଧାନୀରେ ହୋଇଥିବା ବିକାଶମୂଳକ କାର୍ଯ୍ୟ ଉପରେ ଭୋଟ୍‌ ରୂପେ ମୋହର ମାରିଥିବା ସୁଲୋଚନା କହିଛନ୍ତି । ରାଜଧାନୀ ବାସିନ୍ଦାଙ୍କ ପାଖରେ ସମସ୍ତ ମୌଳିକ ସୁବିଧା ସୁଯୋଗ ପହଞ୍ଚାଇବାକୁ ସେ ଲକ୍ଷ୍ୟ ରଖିଥିବା କହିଛନ୍ତି । ସଦ୍ୟ ସମାପ୍ତ ପୌର ନିର୍ବାଚନରେ ବିପୁଳ ଭୋଟରେ ବିଜୟୀ ହୋଇ ଭୁବନେଶ୍ବର ମହାନଗର ନିଗମର ମୁକୁଟ ପିନ୍ଧିଛନ୍ତି ସୁଲୋଚନା ଦାସ । ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ