Municipal Election: ଫୁଲବାଣୀରେ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିଲେ ସାଂସଦ ଓ ମନ୍ତ୍ରୀ - ଫୁଲବାଣୀରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରୁଛନ୍ତି ମନ୍ତ୍ରୀ ପ୍ରତାର ଜେନା

ଫୁଲବାଣୀ: ପୌର ନିର୍ବାଚନ ପାଇଁ ଫୁଲବାଣୀ ପୌରାଞ୍ଚଳରେ ଯୋର ଧରିଛି ପ୍ରଚାର । ଶାସକ ଦଳ ପାଇଁ ଆଜି ପ୍ରଚାରର ନେୃତୃତ୍ବ ନେଉଛନ୍ତି ମନ୍ତ୍ରୀ ପ୍ରତାପ ଜେନା ଓ ସାଂସଦ ଅଚ୍ୟୁତ ସାମନ୍ତ । ଜିଲାର ବାଲିଗୁଡା, ଜି ଉଦୟଗିରି, ଓ ଫୁଲବାଣୀରେ ଚାଲିଛି ପ୍ରଚାର । ବାଲିଗୁଡା ପୌର ପରିଷଦ ଅଞ୍ଚଳରେ ଦଳୀୟ କର୍ମୀଙ୍କୁ ଗୁରୁମନ୍ତ୍ର ଦେବା ସହ ଏକ ବିରାଟ ଶୋଭାଯାତ୍ରାରେ ବାହାରି ବାଲିଗୁଡା ବ୍ଲକ ସଭାପତି ଟୁନା ଦାଶଙ୍କ ନେତୃତ୍ବରେ ସହର ପରିକ୍ରମା କରିଥିଲେ । ଏହି ଅବସରରେ କନ୍ଧମାଳ ସାଂସଦ ଅଚ୍ୟୁତ ସାମନ୍ତ ବାଲିଗୁଡା ଅଞ୍ଚଳରେ ସ୍ବାସ୍ଥ୍ୟ ସେବା ପାଇଁ ଏକ 200 ଶଯ୍ୟା ବିଶିଷ୍ଟ ମେଡିକାଲ କରିବା ପାଇଁ ପ୍ରତିଶ୍ରୁତି ଦେଇଥିଲେ। ବାଲିଗୁଡା ଅଞ୍ଚଳର ବିଜୁ ଜନତା ଦଳର ସମସ୍ତ ପ୍ରାର୍ଥୀ ପ୍ରାର୍ଥୀନୀ ମାନକୁ ଶଙ୍ଖ ଚିହ୍ନରେ ଭୋଟ ଦେବା ପାଇଁ ଉଭୟ ମନ୍ତ୍ରୀ ପ୍ରତାପ ଜେନା ଏବଂ ସାଂସଦ ଅଚ୍ୟୁତ ସାମନ୍ତ ଲୋକଙ୍କୁ ଅନୁରୋଧ କରିଥିଲେ । କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ