Municipal Election: ବୌଦ୍ଧ NAC ଦଖଲ ପାଇଁ କଂଗ୍ରେସର କ୍ୟାମ୍ପେନ ଆରମ୍ଭ - ପୌର ନିର୍ବାଚନ ପାଇଁ ବୌଦ୍ଧରେ କଂଗ୍ରେସର ପ୍ରଚାର

ବୌଦ୍ଧ: ଜିଲ୍ଲାର ଏକମାତ୍ର ଏନଏସିକୁ ଦଖଲ ପାଇଁ ପ୍ରଚାର ମୈଦାନକୁ ଓହ୍ଲାଇଛି କଂଗ୍ରେସ । ଆଜି ଏକ ନମ୍ବର ଓ୍ବାର୍ଡରୁ କଂଗ୍ରେସ ତାର ପ୍ରଚାର ଅଭିଯାନ ଆରମ୍ଭ କରିଛି । ଜିଲ୍ଲାର ଏକମାତ୍ର ପୌରାଞ୍ଚଳକୁ ଦଖଲ ପାଇଁ ପ୍ରମୁଖ ରାଜନୈତିକ ଦଳର ପ୍ରଚାର ଅଭିଯାନ ଯୋରଦାର ହୋଇଛି । ବୌଦ୍ଧ ଜିଲ୍ଲାର ଏକମାତ୍ର ଏନଏସି ଦଖଲ ପାଇଁ ଆଜି କଂଗ୍ରେସର ଅଧ୍ୟକ୍ଷ ପ୍ରାର୍ଥୀ ଗଣେଶ ଅଗ୍ରୱାଲ ଓ ଅନ୍ୟାନ୍ୟ ତୁଙ୍ଗ କଂଗ୍ରେସ ନେତା ଏକ ନମ୍ବର ଓ୍ବାର୍ଡରୁ ପ୍ରଚାର ଆରମ୍ଭ କରିଛନ୍ତି । ଜିଲ୍ଲା କଂଗ୍ରେସ ସଭାପତି ନବ କୁମାର ମିଶ୍ରଙ୍କ ସମେତ ବହୁ ବରିଷ୍ଠ କଂଗ୍ରେସ ନେତା ୧, ୨ ଓ ୩ ନମ୍ବର ଓ୍ବାର୍ଡ ରେ ଘରକୁ ଘର ଯାଇ କ୍ୟାମ୍ପେନ କରି ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିଥିଲେ । ଏନେଇ କଂଗ୍ରେସ ନେତାଙ୍କ ସହ ଆଲୋଚନା କରିଛନ୍ତି ଆମ ପ୍ରତିନିଧି ସତ୍ୟ ନାରାୟଣ ପାଣି ।