ସରିଲା ଭୋଟ ଗଣତି, କଳାହାଣ୍ଡିରେ ଗଡ ରକ୍ଷାକଲା BJD - ଓଡିଶା ପୌର ନିର୍ବାଚନ
ଭବାନୀପାଟଣା: ସରିଲା ପୌର ନିର୍ବାଚନ ଭୋଟ ଗଣତି । କଳାହାଣ୍ଡି ଜିଲ୍ଲା ଭବାନୀପାଟଣା ପୌର ପରିଷଦର ଅଧ୍ୟକ୍ଷା ଭାବରେ ନିର୍ବାଚିତ ହୋଇଛନ୍ତି ବିଜେଡି ପ୍ରାର୍ଥୀନୀ ସଂଯୁକ୍ତା ବେହେରା । ବିଜୁ ଜନତା ଦଳର ଅଧ୍ୟକ୍ଷା ପ୍ରାର୍ଥୀନୀ ସଂଯୁକ୍ତା ବେହାରା ୧୪ ହଜାର ୧୩୫ଟି ଭୋଟରେ ବିଜୟୀ ହୋଇଛନ୍ତି । ତେବେ ନିଜ ନିକଟତମ ପ୍ରତିଦ୍ୱନ୍ଦ୍ବୀ ବିଜେପି ପ୍ରାର୍ଥିନୀ ବିନିତା ଦାଶଙ୍କ ଠାରୁ ୮୪୭ଟି ଭୋଟ ବ୍ୟବଧାନରେ ସେ ବିଜୟ ହୋଇଛନ୍ତି । ଏଥିସହ ଭବାନୀପାଟଣା ସହରର ୧୮ଟି ୱାର୍ଡରେ ବିଜେଡି କାଉନସିଲର ପ୍ରାର୍ଥୀ ବିଜୟ ହୋଇଥିବା ବେଳେ ୧୫ ନମ୍ବର ୱାର୍ଡ କାଉନସିଲର ପଦବୀରେ ବିଜେପି ପ୍ରାର୍ଥିନୀ ମାନସୀ ଜେନା ନିଜ ନିକଟତମ ପ୍ରତିପକ୍ଷ ବିଜେଡି ପ୍ରାର୍ଥୀ ସବିତା ପ୍ରଧାନଙ୍କ ଠାରୁ ୯୪ଟି ଭୋଟ ବ୍ୟବଧାନରେ ବିଜୟ ହୋଇଛନ୍ତି । ସେହିଭଳି ସହରର ୱାର୍ଡ ନମ୍ବର ୧୮ରେ କଂଗ୍ରେସ କାଉନସିଲର ପ୍ରାର୍ଥୀ ସଚିନ ନାଏକ ନିଜ ନିକଟତମ ପ୍ରତିଦ୍ବନ୍ଦ୍ବୀ ସ୍ୱାଧୀନ ପ୍ରାର୍ଥୀ ଚକ୍ରଧର ରାଉତଙ୍କ ଠାରୁ ୩୨୫ଟି ଭୋଟ ବ୍ୟବଧାନରେ ବିଜୟ ହୋଇଛନ୍ତି ।କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
Last Updated : Feb 3, 2023, 8:21 PM IST