International Women's Day: ଯାଜପୁରରେ ଗଣ ବିବାହ ସମ୍ପନ୍ନ - ନବ ଉତ୍କଳ ମହିଳା ସମିତି ପକ୍ଷରୁ ଗଣ ବିବାହ

ଯାଜପୁର: ଆଜି ହେଉଛି ବିଶ୍ୱ ମହିଳା ଦିବସ । ଏହି ଅବସରରେ ଦେଶ ବିଦେଶରେ ଆୟୋଜିତ ହେଉଛି ବିଭିନ୍ନ କାର୍ଯ୍ୟକ୍ରମ । ଯାଜପୁର ଜିଲ୍ଲା ବ୍ୟାସନଗରରେ ଅଗ୍ରଣୀ ମହିଳା ଅନୁଷ୍ଠାନ ନବ ଉତ୍କଳ ମହିଳା ସମିତି ପକ୍ଷରୁ ଆଜିର ଦିନରେ ଏକ ଗଣ ବିବାହ କାର୍ଯ୍ୟକ୍ରମ ଆୟୋଜନ କରାଯାଇଥିଲା ।ସେହିପରି ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ ଏହି ଗଣ ବିବାହ କାର୍ଯ୍ୟକ୍ରମ ଆୟୋଜନ କରିଥିଲା ମହିଳା ଅନୁଷ୍ଠାନ । ତେବେ ଆର୍ଥିକ ଦୁର୍ବଳ ଥିବା ବର ଓ କନ୍ୟାଙ୍କର ବିବାହ କରି ଏକ ନୂତନ ବାର୍ତ୍ତା ଦେଇଛି ଏହି ସଂଗଠନ । ଚଳିତ ବର୍ଷ ପାଞ୍ଚଟି ବାହଘର ସମ୍ପୂର୍ଣ ବୈଦିକ ରୀତିରେ କରାଇଛି ମହିଳା ଅନୁଷ୍ଠାନ ନବ ଉତ୍କଳ ମହିଳା ସମିତି । ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ