Municipal Election: ସ୍ୱାଧୀନ ପ୍ରାର୍ଥୀଙ୍କ ନିଆରା ନିର୍ବାଚନ ପ୍ରଚାର

ଭବାନୀପାଟଣା: ହାତରେ ରହିଛି ଆଉ କିଛି ଘଣ୍ଟାର ସମୟ। କଳାହାଣ୍ଡି ଜିଲ୍ଲାରେ ପୌର ନିର୍ବାଚନ ଯେତିକି ପାଖେଇ ଆସୁଛି ରାଜନୈତିକ ମାହୋଲ ମଧ୍ୟ ସେତିକି ସରଗରମ ହେବାରେ ଲାଗିଛି। ପୌର ଗଡ଼କୁ ଦଖଲ କରିବା ପାଇ ଲାଗିପଡିଛନ୍ତି ତିନି ପ୍ରମୂଖ ରାଜନୈତିକ ଦଳ ବିଜେପି,ବିଜେଡି ଓ କଂଗ୍ରେସ। ଆଉ ଏ ସବୁ ଭିତରେ ସ୍ୱାଧୀନ ପ୍ରାର୍ଥୀଙ୍କ ପ୍ରଚାର ମଧ୍ୟ କିଛି କମ ନୁହେଁ। ଜିଲ୍ଲାର ଭବାନୀପାଟଣା ପୌର ଅଧ୍ୟକ୍ଷା ସ୍ୱାଧୀନ ପ୍ରାର୍ଥୀ ପୁନମ ଅଗ୍ରୱାଲ ଘରକୁ ଘର ବୁଲି ଭୋଟ ଭିକ୍ଷା କରୁଥିବା ବେଳେ ଆଜି ସାମ୍ବାଦିକ ସମ୍ମିଳନୀରେ ଭୋଟରଙ୍କୁ କିଛି ଭିନ୍ନ ଢଙ୍ଗରେ କରିଛନ୍ତି ସଚେତନ। ଦଳ ନୁହେଁ ପ୍ରାର୍ଥୀ ଦେଖି ନିଜ ବହୁ ମୁଲ୍ୟ ମତ ସାବ୍ୟସ୍ତ କରିବା ପାଇଁ ନିବେଦନ କରିବା ସହ ତାଙ୍କୁ ଥରେ ସହର ବାସୀ ପାଞ୍ଚ ବର୍ଷ ନୁହେଁ ଦୁଇ ବର୍ଷ ସମୟ ଦିଅନ୍ତୁ ସେ ଦେଇଥିବା ପ୍ରତିଶ୍ରୁତି ପୁରାଣ ନକଲେ ପଦରୁ ଇସ୍ତଫା ଦେବେ ବୋଲି ସାମ୍ବାଦିକ ସମ୍ମିଳନୀ ମାଧ୍ୟମରେ ଭୋଟରଙ୍କ ନିକଟରେ ନିବେଦନ କରିଛନ୍ତି ସ୍ୱାଧୀନ ପ୍ରାର୍ଥୀ ପୁନମ ଅଗ୍ରୱାଲ। କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ