ଛେଳିଛୁଆଙ୍କୁ ପର କରି ଚାଲିଗଲା ମା’, ଯଶୋଦା ସାଜି ସ୍ତନ୍ୟପାନ କରାଉଛି କୁକୁର - କୁକୁରଠୁ ସ୍ତନ୍ୟପାନ କରୁଛି ଛେଳିଛୁଆ

ରାଇରଙ୍ଗପୁର: ପଶୁ ହେଲେ ବି ଭରି ରହିଛି ମା'ର ମମତା । ଗୋଟେ ମାଆର ମମତା ବୁଝେନି କିଏ ପର ଓ କିଏ ଆପଣାର। କୁକୁର ନିଜ ଛୁଆ ସହିତ ଦୁଇଟି ଛେଳି ଛୁଆକୁ ସ୍ତନ୍ୟପାନ କରାଉଛି। ମୟୂରଭଞ୍ଜ ଜିଲ୍ଲା ଜାମଦା ବ୍ଲକ ଅନ୍ତର୍ଗତ ମଧୁପୁର ଗ୍ରାମରେ ଏପରି କିଛି ହୃଦୟସ୍ପର୍ଶୀ ଦୃଶ୍ୟ ଦେଖିବାକୁ ମିଳିଛି। ମାଆ ମମତା ବାଣ୍ଟିଲା ବେଳେ କାହାକୁ ପର ଆପଣାର ବାଛବିଚାର କରିନଥାଏ। ତିନି ଦିନ ପୂର୍ବରୁ ଛେଳି ଛୁଆର ମାଆ ମୃତ୍ୟୁବରଣ କରିଥିବା ବେଳେ ଗୋଟେ କୁକୁର ଠୁ ସ୍ତନ୍ୟପାନ କରୁଛନ୍ତି ଦୁଇଟି ଛେଳି ଛୁଆ। ତେବେ କୁକୁରର ଏଭଳି ମମତାର ଦୃଶ୍ୟ ପ୍ରତକ୍ଷ୍ୟଦର୍ଶୀଙ୍କ ମନରେ ଭାବାବେଗ ସୃଷ୍ଟି କରିଛି। ରାୟରଙ୍ଗପୁରରୁ ସଞ୍ଜୟ କୁମାର ପରିଡ଼ା, ଇଟିଭି ଭାରତ