ଦଶମ ସମେଟିଭ ପରୀକ୍ଷା, ରୁଣ୍ଡ ହୋଇ ଖୋଜିଲେ ରୋଲ ନମ୍ବର - କଟକ ଖବର
କଟକ: ଆଜିଠାରୁ ଆରମ୍ଭ ହୋଇଛି ମାଟ୍ରିକ ସମେଟିଭ ପରୀକ୍ଷା। ୩୦୯୩ ଟି କେନ୍ଦ୍ରରେ ୫ ଲକ୍ଷ ୭୬ ହଜାର ୨୨୩ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି। ନିର୍ଦ୍ଧାରିତ ସମୟ ମଧ୍ୟରେ ପରୀକ୍ଷା କେନ୍ଦ୍ରରେ ପହଞ୍ଚିଥିଲେ ପରୀକ୍ଷାର୍ଥୀ ମାତ୍ର ପରୀକ୍ଷା କେନ୍ଦ୍ରରେ କୋଭିଡ ଗାଇଡ଼ଲାଇନ ଉଲଂଘନ କରାଯାଇଛି। ଆମେ କହୁଛୁ ରେଭେନ୍ଶା କଲିଜିଏଟ ହାଇସ୍କୁଲ କଥା। ପରୀକ୍ଷାର୍ଥୀମାନେ ପରୀକ୍ଷା କେନ୍ଦ୍ରରେ ଯଦିଓ ଲାଇନ ଦେଇ ପ୍ରବେଶ କରିଥିଲେ, ମାତ୍ର ନିଜ ନିଜ ରୋଲ ନମ୍ବର ଦେଖିବା ପାଇଁ ପ୍ରବଳ ଗହଳି ହୋଇଥିଲା । ସାମାଜିକ ଦୂରତା ଗାଏବ ହୋଇଥିଲା । ପରୀକ୍ଷା ପରିଚାଳନାରେ ତ୍ରୁଟି ବେଶ ବାରି ହୋଇପଡିଛି। ଏଥି ପାଇଁଣ ବ୍ୟବସ୍ଥାକୁ ଦାୟୀ କରିଛନ୍ତି ପରୀକ୍ଷାର୍ଥୀ ତଥା ସେମାନଙ୍କ ଅବିଭାବକ। କଟକରୁ ନାରାୟଣ ସାହୁ, ଇଟିଭି ଭାରତ