‘ଲୋକଙ୍କ ରାଷ୍ଟ୍ରପତି କଲାମ’ - ଏପିଜେ ଅବଦୁଲ କଲାମଙ୍କ ଜନ୍ମଦିନ

'ସ୍ବପ୍ନ ତାହା ନୁହେଁ ଯାହା ଶୋଇବା ସମୟରେ ଆସିଥାଏ, ସ୍ବପ୍ନ ତାହା ଯାହା ଆମକୁ ଶୋଇବାକୁ ଦିଏ ନାହିଁ’ । 'ସଫଳତାର କାହାଣୀ ନୁହେଁ ବିଫଳତାର କାହାଣୀ ପଢ, ସଫଳତାରୁ କେବଳ ବାର୍ତ୍ତା ମିଳେ କିନ୍ତୁ ବିଫଳତା ରାସ୍ତା ଦେଖାଇଥାଏ' । ବିଫଳତାର କାହାଣୀକୁ ସେ ଅନୁସରଣ କରୁଥିଲେ । ବୋଧହୁଏ କଲାମ ଜାଣିଥିଲେ ବିଫଳତାର କାହାଣୀ ଦିନେ ସଫଳତାର ମାର୍ଗ ହେବ। ଭାରତର ପୂର୍ବତନ ରାଷ୍ଟ୍ରପତି ଡକ୍ଟର ଏ.ପି.ଜେ ଅବଦୁଲ କାଲାମ ୧୯୩୧ ମସିହା ଅକ୍ଟୋବର ମାସ ୧୫ରେ ତାମିଲନାଡୁର ରାମେଶ୍ବରମ ଠାରେ ଏକ ମୁସଲମାନ ପରିବାରରେ ଜନ୍ମ ଗ୍ରହଣ କରିଥିଲେ। ଭାରତର ଅନେକ ମହାନ ବ୍ୟକ୍ତିଙ୍କ ମଧ୍ୟରେ ସେ ଥିଲେ ଅନ୍ୟତମ । ଯାହାଙ୍କ ଆଗରେ ଆପେ ଆପେ ନତମସ୍ତକ ହୋଇଯାଏ ମଥା। ସେହି ମହାନ ଜନନାୟକଙ୍କ ଜନ୍ମଜୟନ୍ତୀରେ ଇଟିଭି ଭାରତ ପରିବାର ପକ୍ଷରୁ କୋଟିକୋଟି ପ୍ରଣାମ...