ଗୀତ ଗାଇ କୋଭିଡ ସଚେତନତା କରାଉଛନ୍ତି ଏସଆଇ
କଟକ: ଜଗନ୍ନାଥ ଭଜନ ମାଧ୍ୟମରେ ଲୋକଙ୍କୁ ସଚେତନତା କରାଇଲେ ପୋଲିସ ଏସଆଇ । ଯାହା ସୋସିଆଲ ମିଡ଼ିଆରେ ଏବେ ଚର୍ଚ୍ଚାର ବିଷୟ ପାଲଟିଛି । ଏହି ଭିଡ଼ିଓ ସଂଗୀତ ମାଧ୍ୟମରେ କୋରୋନା ସଂକ୍ରମଣ ରୋକିବାକୁ ନିଜେ ଜଗନ୍ନାଥ ଭଜନ ଲେଖି ଗାଇଛନ୍ତି କଟକ କ୍ୟାଣ୍ଟନମେଣ୍ଟ ଥାନାର ପୋଲିସ ଏସଆଇ ରାକେଶ କୁମାର ବେହେରା। ତାଙ୍କର ଏଭଳି ଅଭିନବ ପ୍ରୟାସ ପାଇଁ କମିସନରେଟ୍ ପୋଲିସରେ ବରିଷ୍ଠ ଅଧିକାରୀଙ୍କ ମହଲରୁ ପ୍ରଶଂସାର ସୁଅ ଛୁଟିଛି। କେନ୍ଦ୍ରାପଡ଼ା ରାଜକନିକା ଗୋବାଙ୍ଗ ଗାଁର ରାକେଶ କୁମାର ବେହେରା ୨୦୧୫ ବ୍ୟାଚର ଯୁବ ପୋଲିସ ଏସଆଇ। ତେବେ ଗୀତ ଓ କବିତା ଲେଖିବାର ସଉକ ତାଙ୍କର ୫ମ ଶ୍ରେଣୀରେ ପଢ଼ିଲା ବେଳୁ ଥିଲା ବୋଲି ସେ କହିଛନ୍ତି।