Panchayat poll: ପ୍ରଚାରରେ କମ୍ପୁଛି ମୈଦାନ, ଘର ଘର ବୁଲି ଭୋଟ ଭିକ୍ଷା କରୁଛନ୍ତି ପ୍ରାର୍ଥୀ

ଖୋର୍ଦ୍ଧା: ଉଷ୍ମ ହେବାରେ ଲାଗିଲାଣି ନିର୍ବାଚନୀ ମାହୋଲ। ଘର ଘର ବୁଲି ପ୍ରଚାର କରି ଲୋକଙ୍କୁ ଭୋଟ ଭିକ୍ଷା କରୁଛନ୍ତି ପ୍ରାର୍ଥୀ । ଛକ ଛକରେ ବଡ଼ ବଡ଼ ପୋଷ୍ଟର ବ୍ୟାନର ସାଙ୍ଗକୁ ପ୍ରାର୍ଥୀଙ୍କ ଭୋଟ ଭିକ୍ଷା ରାଜନୈତିକ ପାଣିପାଗକୁ ଆହୁରି ସରଗରମ କଲାଣି । ସେହିଭଳି ଖୋର୍ଦ୍ଧା ଜିଲ୍ଲା କୁଞ୍ଜୁରୀ ଗ୍ରାମ ପଞ୍ଚାୟତରେ ବିଭିନ୍ନ ସମସ୍ୟାର ସମାଧାନ କରିବା ପ୍ରତିଶ୍ରୁତି ଦେଇ ଘର ଘର ବୁଲି ଭୋଟରଙ୍କୁ ଭୋଟ ଭିକ୍ଷା କରୁଥିବା ଦେଖିବାକୁ ମିଳିଛି । ଉଭୟ ସରପଞ୍ଚ ଓ ସମିତି ସଭ୍ୟ ପ୍ରାର୍ଥୀ କୋରୋନା କଟକଣା ମାନି ପ୍ରଚାର ମୈଦାନକୁ ଓହ୍ଲାଇଛନ୍ତି । ତେବେ ପ୍ରଚାର ସମୟରେ ମୈଦାନରୁ ପ୍ରାର୍ଥୀଙ୍କ ସହିତ ଅଧିକ ଆଲୋଚନା କରିଛନ୍ତି ଇଟିଭି ଭାରତର ଖୋର୍ଦ୍ଧା ପ୍ରତିନିଧି ଗୋବିନ୍ଦ ଚନ୍ଦ୍ର ପଣ୍ଡା ।