ଓପିଏସସି ବିଭ୍ରାଟ ପାର୍ଟ 3: ଆଶାୟୀଙ୍କୁ କର୍ତ୍ତୃପକ୍ଷଙ୍କ ନାଲିଆଖି

ଭଦ୍ରକ: ସତ ସାମନାକୁ ଆସିବା ପରେ ଚିଇଁକି ଉଠିଲା ଓପିଏସସି । ନିଜ ଅପାରଗତା ଲୁଚାଇବାକୁ ଯାଇ ଜାରି କଲା କଟକଣା । ପରୀକ୍ଷାର୍ଥୀଙ୍କ କଣ୍ଠରୋଧ କରିବାକୁ ଓପିଏସସିର ଯୋରଦାର ଉଦ୍ୟମ । ଓପିଏସସି ପରୀକ୍ଷାରେ ହେଉଥିବା ବିଭ୍ରାଟକୁ ନେଇ ‘ଇଟିଭି ଭାରତ’ରେ ଖବର ପ୍ରସାରଣ ପରେ ବିଜ୍ଞପ୍ତି ଜାରି କରିଛି ସଂପୃକ୍ତ ଅନୁଷ୍ଠାନ । ଲଗାତାର ଭାବେ ଆମେ ଖବର ପ୍ରସାରଣ କରିଥିଲୁ ଓପିଏସସିରେ କେମିତି ଚାଲିଛି ବେଆଇନ କାର୍ଯ୍ୟକଳାପ । କେମିତି ଯୋଜନାବଦ୍ଧ ଭାବେ କଟାଯାଉଛି ପରୀକ୍ଷାର୍ଥୀଙ୍କ ମାର୍କ । ପୁଣି ଅନୁପସ୍ଥିତ ଥିବା ପରୀକ୍ଷାର୍ଥୀଙ୍କୁ କେମିତି ମିଳୁଛି ମାର୍କ । ଆଉ ଖବର ପ୍ରସାରଣ ପରେ ଓପିଏସସି କର୍ତ୍ତୃପକ୍ଷ ପରୀକ୍ଷାର୍ଥୀଙ୍କ ପାଇଁ ଜାରି କରିଛନ୍ତି କଟକଣା । ଯେଉଁଥିରେ ଗଣମାଧ୍ୟମରେ ମୁହଁ ଖୋଲିଲେ ସିଧା ସିଧା ପରୀକ୍ଷାରୁ ବଞ୍ଚିତ କରାଯିବ ବୋଲି ଦିଆଯାଇଛି ଧମକ ।