ଛତ୍ରପୁରକୁ ସ୍ୱଚ୍ଛ, ସୁନ୍ଦର ଓ ଆଦର୍ଶ ସହରରେ ପରିଣତ କରିବା ମୋର ଲକ୍ଷ୍ୟ: ଉପନଗରପାଳ - ଛତ୍ରପୁର ସହର ହେବ ସ୍ବଚ୍ଛ ଓ ସୁନ୍ଦର

ବ୍ରହ୍ମପୁର : ଗଞ୍ଜାମ ଜିଲ୍ଲାର ସଦର ମହକୁମା ଛତ୍ରପୁର ସହରକୁ ସ୍ବଚ୍ଛ ଓ ସୁନ୍ଦର ଏବଂ ଆଦର୍ଶ ସହରରେ ପରିଣତ କରିବା ମୋର ଲକ୍ଷ୍ୟ । ଏଭଳି ଇଟିଭି ଭାରତ ସହ ଅପ୍ରତିଦ୍ବନ୍ଦୀ ଭାବରେ ଉପନଗରପାଳ ପଦବୀରେ ନିର୍ବାଚିତ ହେବାପରେ ପ୍ରତିକ୍ରିୟା ରଖିଛନ୍ତି ଜି.ପାପା ରାଓ । ଛତ୍ରପୁର ବିଜ୍ଞାପିତ ଅଞ୍ଚଳ ପରିଷଦର ଚାରି ନମ୍ବର ୱାର୍ଡରେ କାଉନସିଲର ଭାବରେ ବିଜୟୀ ହୋଇଥିବା ଜି.ପାପା ରାଓଙ୍କ ନାମକୁ ବିଜୁ ଜନତା ଦଳର ସୁପ୍ରିମୋଙ୍କ ଠାରୁ ଆସିଥିବା ନାମକୁ ସ୍ଥାନୀୟ ବିଧାୟକ ସୁବାସ ଚନ୍ଦ୍ର ବେହେରା ଘୋଷଣା କରିଥିଲେ। ଦଳର ସମସ୍ତ କାଉନସିଲର ଏନ୍.ଏ.ସି କାର୍ଯ୍ୟାଳୟରେ ପହଞ୍ଚିବା ପରେ ଜି.ପାପା ରାଓ ନିଜର ପ୍ରାର୍ଥୀପତ୍ର ଦାଖଲ କରିଥିଲେ। ଆଉ ଶେଷରେ ଅପ୍ରତିଦ୍ବନ୍ଦୀ ଭାବରେ ବିଜୟୀ ଘୋଷଣା ପରେ ଏକ ବିରାଟ ଶୋଭାଯାତ୍ରାରେ ସହର ପରିକ୍ରମା କରି ସ୍ଥାନୀୟ ବସଷ୍ଟାଣ୍ଡ ଠାରେ ରହିଥିବା ପ୍ରବାଦ ପୁରୁଷ ବିଜୁ ବାବୁଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରିଥିଲେ । ଏହି ଅବସରରେ ନବନିର୍ବାଚିତ ଉପନଗରପାଳ ସମେତ ସ୍ଥାନୀୟ ବିଧାୟକଙ୍କ ସହିତ ଆଲୋଚନା କରିଥିଲେ ଆମ ସମ୍ବାଦଦାତା ସମୀର ଆଚାର୍ଯ୍ୟ ।