ରାଜରାସ୍ତାରେ ଡେଉଁଛନ୍ତି ଜୀଅନ୍ତା ମାଗୁର ମାଛ, ଘରକୁ ପୁଳାପୁଳା ବୋହିନେଲେ ଲୋକେ - ସମ୍ବଲପୁରର ରାଜରାସ୍ତାରେ ଜୀଅନ୍ତା ମାଛ

ସମ୍ବଲପୁର: ରାଜରାସ୍ତାରେ ଖେଳିଲେ ଜୀଅନ୍ତା ମାଛ। ରାସ୍ତାରେ ବହୁତ ପରିମାଣର ମାଛ ଦେଖି ଲୋକମାନେ ଗୋଟେଇବାରେ ଲାଗିଛନ୍ତି। ସମ୍ବଲପୁର ଜିଲ୍ଲାର ଜମନକିରା ଅଞ୍ଚଳରେ ଏଭିଳି ଏକ ଦୃଶ୍ୟ ଦେଖିବାକୁ ମିଳିଛି । ସମ୍ବଲପୁର ଜିଲ୍ଲାର ଜମନକିରା ବ୍ଲକ ଛକରେ ଜାତୀୟ ରାଜପଥ ୫୩ ରାସ୍ତା ଉପରେ ଜୀଅନ୍ତା ମାଗୁର ମାଛ ଦେଖିବାକୁ ମିଳିଛି। ଏକ ମାଛ ବୋଝେଇ ଟ୍ରକ ବିପରୀତ ଦିଗରୁ ଆସୁଥିବା ଅନ୍ୟ ଏକ ଟ୍ରକକୁ ସାଇଡ ଦେବାରୁ ଟ୍ରଲି ବୋଝେଇରେ ଥିବା ମାଗୁର ମାଛ ସବୁ ରାସ୍ତା ଉପରକୁ ଖସି ପଡିଥିଲେ। ଏହି ଦୃଶ୍ୟ ଦେଖି ସ୍ଥାନୀୟ କିଛି ବ୍ୟକ୍ତି, ଦୋକାନୀ ଓ ବାଇକ ଆରୋହୀ ମାଗୁର ମାଛ ଗୋଟେଇବାରେ ଲାଗି ପଡ଼ିଥିଲେ। ତେବେ ଉକ୍ତ ମାଛ ବୋଝେଇ ଟ୍ରକଟି କୋଲକାତାରୁ ସମ୍ବଲପୁର ଅଭିମୁଖେ ଆସୁଥିବା ଜଣାପଡ଼ିଛି । ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ