Interview: ଇତିହାସ ରଚିଥିବା ନବ ନିର୍ବାଚିତ ଚର୍ଚ୍ଚିତ ଅଧ୍ୟକ୍ଷା ଗୁଲମୁକ୍କୀଙ୍କ ସହ ସାକ୍ଷାତକାର - ଲମକ୍କୀ ଦଲାୱାଜି ହାବିବି ପ୍ରତିକ୍ରିୟା

ଭଦ୍ରକ: ପୌରପାଳିକା ନିର୍ବାଚନରେ ଇତିହାସ ରଚିଛନ୍ତି ସ୍ବାଧୀନ ପ୍ରାର୍ଥିନୀ ଗୁଲମକ୍କୀ ଦଲାୱାଜି ହାବିବି । ଶାସକ ବିଜେଡିର ପ୍ରାର୍ଥିନୀ ସମିତା ମିଶ୍ରଙ୍କୁ ୩୨୫୬ ଖଣ୍ଡ ଭୋଟରେ ପରାସ୍ତ କରିଛନ୍ତି ଗୁଲମକ୍କୀ । ଏଥିସହିତ ଭଦ୍ରକ ପୌର ଇତିହାସରେ ପ୍ରଥମଥର ଲାଗି ଜଣେ ମୁସଲିମ ମହିଳା ଅଧ୍ୟକ୍ଷ ଆସନରେ ବସିବାକୁ ଯାଉଛନ୍ତି । ସାରା ରାଜ୍ୟର ନଜର ଭଦ୍ରକ ପୌରପାଳିକା ଉପରେ ଥିଲା । ବିଜେଡି ପାଇଁ ଏହି ନିର୍ବାଚନ ଗୁରୁତ୍ୱପୂର୍ଣ୍ଣ ଥିଲା । ଆରମ୍ଭରୁ ପୌରାଧ୍ୟକ୍ଷା ପ୍ରାର୍ଥୀ କିଏ ହେବେ ତା’କୁ ନେଇ ଦଳ ବେଶ ଅଡୁଆରେ ପଡ଼ିଥିଲା । ସେପଟେ ପ୍ରାର୍ଥୀ ମନୋନୟନ ପୂର୍ବରୁ ବିଜେଡିର ଟାଣୁଆ ନେତାମାନେ ପୁରୁଣାବଜାର ଠାରେ ଏକ ସମାବେଶରେ ମିଳିତ ହୋଇ ଏହି ଅଞ୍ଚଳରୁ ଜଣଙ୍କୁ ପ୍ରାର୍ଥୀ କରିବାକୁ ଦାବି କରିଥିଲେ । ଏସବୁ ମଧ୍ୟରେ ଭଦ୍ରକରେ ପ୍ରଥମ ଥର ପାଇଁ ଜଣେ ମହିଳା ଭାବେ ଅଧ୍ୟକ୍ଷ ଆସନ ଅଳଙ୍କୃତ କରିଛନ୍ତି ଗୁଲମୁକ୍କୀ । ତେବେ ଶୁଣନ୍ତୁ ପୁରା ଯାତ୍ରା ବାବଦରେ ସେ କ'ଣ କହୁଛନ୍ତି । ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ