ସାମ୍ନାକୁ ଆସିଲା ରଣଦୀପ ହୁଡା-ଲିନ ଲୈସରମଙ୍କ ବିବାହ ଭିଡିଓ - ଲିନ ଲୈସରମ

ହାଇଦ୍ରାବାଦ:ବଲିଉଡ ଅଭିନେତା ରଣଦୀପ ହୁଡା ଏବଂ ଅଭିନେତ୍ରୀ ଲିନ ଲୈସରମ ଚଳିତ ବର୍ଷ ନଭେମ୍ବର ୨୯ରେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଉଭୟ ମଣିପୁରରେ ମୈତେଇ ରୀତିନୀତିରେ ପରିବାର, ସମ୍ପର୍କୀୟଙ୍କ ଉପସ୍ଥିତିରେ ହାତକୁ ଦି' ହାତ ହୋଇଛନ୍ତି । ଏହା ପରେ ମୁମ୍ବାଇରେ ଉଭୟଙ୍କ ୱେଡିଂ ରିସେପନ ମଧ୍ୟ ହୋଇଥିଲା । ବର୍ତ୍ତମାନ ଏହି ଦମ୍ପତିଙ୍କ ବାହାଘର ଭିଡିଓ ସାମ୍ନାକୁ ଆସିଛି । ଭିଡିଓରେ ମଣିପୁର ରୀତିନୀତିରେ ବିବାହ ସହ ବିବାହ ରିସେପ୍ସନର ଝଲକ ମଧ୍ୟ ଦେଖିବାକୁ ମିଳିଛି ।  

ବିବାହ ଦିନ ଭାରୀ ଅଳଙ୍କାର ସହ ମଣିପୁରୀ ପୋଷାକରେ ନଜର ଆସିଥିବା ବେଳେ ରଣଦୀପ ମଧ୍ୟ ପାରମ୍ପରିକ ହ୍ବାଇଟ ପୋଷାକରେ ନଜର ଆସିଛନ୍ତି । ଏଥିସହ ବିବାହ ରିସେପନରେ ରଣଦୀପ ବ୍ଲାକ ଏବଂ ଲିନ ମେରୁନ ରଙ୍ଗର ଶାଢୀରେ ନଜର ଆସିଛନ୍ତି । ଉଭୟଙ୍କ ୱେଡିଂ ରିସେପନରେ ବହୁ ସେଲିବ୍ରିଟି ସାମିଲ ହୋଇଥିବା ବେଳେ ରଣଦୀପ ଏବଂ ଲିନ ଏଥିରେ ଡ୍ୟାନ୍ସ ମଧ୍ୟ କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।  

ଏହା ମଧ୍ୟ ପଢନ୍ତୁ:ମଣିପୁର କନିଆଁକୁ ମୁମ୍ବାଇ ବର, ବିବାହ ବନ୍ଧନରେ ବାନ୍ଧିହେଲେ ରଣଦୀପ-ଲିନ୍

ସୂଚନା ଥାଉ କି, ଦୀର୍ଘ 4 ବର୍ଷ ଡେଟ ପରେ ଲିନ୍ ଲୈସରମ ରଣଦୀପ ହୁଡା ସାତ ଜନ୍ମର ସାଥୀ ହୋଇଛନ୍ତି । 47 ବର୍ଷୀୟ ରଣଦୀପ ତାଙ୍କଠୁ 10 ବର୍ଷ ସାନ ଲିନ୍ ଲୈସରମଙ୍କ ପ୍ରେମରେ ପଡିଥିଲେ । କିନ୍ତୁ ଏବେ ଉଭୟ ପତିପତ୍ନୀ ହୋଇଛନ୍ତି । ରଣଦୀପ ଏକାଧିକ ହିନ୍ଦୀ ଚଳଚ୍ଚିତ୍ରରେ ଅଭିନୟ କରିଛନ୍ତି । ଅପକମିଂ ଫିଲ୍ମ 'ସ୍ବତନ୍ତ ବୀର ସାବରକର'ରେ ରଣଦୀପଙ୍କୁ ଦେଖିବାକୁ ମିଳିବ । ଏହି ଚଳଚ୍ଚିତ୍ର ସହ ଅଭିନେତା ନିର୍ଦ୍ଦେଶନା କ୍ଷେତ୍ରରେ ମଧ୍ୟ ଡେବ୍ୟୁ କରିବାକୁ ଯାଉଛନ୍ତି । ଲିନଙ୍କ ବୟସ ୩୭ବର୍ଷ ହୋଇଥିବାବେଳେ ସେ ଜଣେ ପ୍ରତିଭାବାନ ମଡେଲ ଓ ଅଭିନେତ୍ରୀ । ୨୦୦୭ ମସିହାରେ ଲିନ ପ୍ରଥମେ ଓମ ଶାନ୍ତି ଓମ ଚଳଚ୍ଚିତ୍ରରେ ନଜର ଆସିଥିଲେ । ଏହାପରେ ସେ ମ୍ୟାରିକମ୍, ଉମ୍ରିକା, ରଙ୍ଗୁନ ଏବଂ ଜାନେ ଜାନ ଭଳି ଚଳଚ୍ଚିତ୍ରରେ ଅଭିନୟ କରିଛନ୍ତି ।