ବାହାନଗା ଏକାଦଶାହ କାର୍ଯ୍ୟକ୍ରମ: ଅଚେତ ହେଲେ ଯାତ୍ରା ଅଭିନେତ୍ରୀ ରାଣୀ - ବାହାନଗା ରେଳ ଦୁର୍ଘଟଣା

ବାଲେଶ୍ବର:ବାହାନଗା ରେଳ ଦୁର୍ଘଟଣାକୁ ପୁରିଛି ୧୧ ଦିନ । ଏହି ଅବସରରେ ବାହାନଗା ଅଞ୍ଚଳବାସୀ ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କ ପାଇଁ ରବିବାର ୧୩୦ ଜଣ ମୁଣ୍ଡନ ହୋଇଥିଲେ । ଆଜି ଏକାଦଶାହ ଲାଗି ଗୀତାଯଜ୍ଞ ସାଙ୍ଗକୁ ସର୍ଵଧର୍ମ ପ୍ରାର୍ଥନା ସଭା ଅନୁଷ୍ଠିତ ହୋଇଥିଲା ।  ଏହି ଅବସରରେ ଯାତ୍ରା ଅଭିନେତ୍ରୀ ରାଣୀ ପ୍ରିୟଦର୍ଶନୀ ସାହୁ ବାହାନଗାରେ ପାହଞ୍ଚିଥିଲେ। ରବିବାର ମୁଣ୍ଡନ ହୋଇଥିବା ଲୋକଙ୍କ ପାଇଁ ରାଣୀ ନୂଆ ଧୋତି ଯୋଡ଼ ପ୍ରଦାନ କରିଥିବା ବେଳେ ଯଜ୍ଞ କାର୍ଯ୍ୟରେ ନିୟୋଜିତ ବ୍ରାହ୍ମଣମାନଙ୍କ ପାଇଁ ମଧ୍ୟ ଧୋତି ଯୋଡ଼ର ବ୍ୟବସ୍ଥା କରିଥିଲେ ।  ଏହାସହ ବ୍ରାହ୍ମଣଙ୍କ ବିଦା ଖର୍ଚ୍ଚ ମଧ୍ୟ ରାଣୀ ପ୍ରଦାନ କରିଥିଲେ। ଏହାରି ଭିତରେ ରାଣୀ ସମସ୍ତଙ୍କ କଥା ବୁଝୁ ବୁଝୁ ଭାବ ପ୍ରବଣ ହୋଇଯାଇଥିଲେ ।  ପ୍ରବଳ ଖରା ଓ ଗୁଳୁଗୁଳି ଯୋଗୁଁ ରାଣୀ ଅଚେତ ହୋଇଯାଇଥିଲେ ।  ତାଙ୍କୁ ସାଧାରଣ ଲୋକେ ସୁସ୍ଥ କରାଇଥିବା ଜଣାପଡ଼ିଛି।

ଏହା ବି ପଢନ୍ତୁ- 11days of Train Tragedy: ସେଦିନ ଶୁଭୁଥିଲା ଆର୍ତ୍ତ ଚିତ୍କାର, ଆଜି ଶୁଭୁଛି ହରିନାମ

ଇଟିଭି ଭାରତ, ବାଲେଶ୍ବର