ସରିଲା ବାର୍ଥଡେ ବଏ ବାବୁଶାନଙ୍କୁ ଜେରା, ପୋଲିସକୁ କଲେ ସହଯୋଗ

ଭୁବନେଶ୍ବର: ଅଭିନେତ୍ରୀ ପ୍ରକୃତି ମିଶ୍ରଙ୍କ ସହ ସମ୍ପର୍କକୁ ନେଇ ବିବାଦରେ ଛନ୍ଦି ହୋଇପଡିଛନ୍ତି ଓଲିଉଡ଼ ଅଭିନେତା ବାବୁଶାନ୍‌ ମହାନ୍ତି । ଚେନ୍ନାଇରୁ ଫେରିବାର ଦୁଇ ଦିନ ପରେ ଆଜି ଖାରବେଳ ନଗର ଥାନାରେ ତାଙ୍କୁ ଜେରା କରିଛି ପୋଲିସ । ଆଜି ବାବୁଶାନ୍‌ଙ୍କ ଜନ୍ମଦିନ ହୋଇଥିବା ବେଳେ ସେ ଜେରା ପାଇଁ ଥାନାରେ ପହଞ୍ଚିଛନ୍ତି । ଜେରା ସମୟରେ ବାବୁଶାନ୍‌ଙ୍କ ସହିତ ମା' ଅପରାଜିତ ମହାନ୍ତି ଓ ପାରିବାରିକ ବନ୍ଧୁ ରବି ମିଶ୍ର ଉପସ୍ଥିତ ରହିଥିଲେ । ଏନେଇ ଖାରବେଳ ଥାନା ଅଧିକାରୀ କହିଛନ୍ତି ଯେ, "ପୋଲିସ ଖୋଜୁଥିବା ସମସ୍ତ ପ୍ରଶ୍ନର ଉତ୍ତର ରଖିଛନ୍ତି ବାବୁଶାନ୍‌ । ଆପୋଷ ବୁଝାମଣା ଦିଗରେ ମୁଣ୍ଡ ପୁରାଉନି ପୋଲିସ । ଏ ସମ୍ପର୍କରେ ପରିବାର ଯଦି ଚାହିଁବେ ନିଷ୍ପତ୍ତି ନେବେ । ପୋଲିସ ତାର ତଦନ୍ତ ଜାରି ରଖିଛି।" ଇଟିଭି ଭାରତ, ଭୁବନେଶ୍ବର