Municipal Election: ପ୍ରଚାରର ଶେଷ ଦିନରେ ବିଶାଳ ରାଲି କରି ଶକ୍ତି ଦେଖାଇଲା ବିଜେଡି

ରାଇରଙ୍ଗପୁର: ପୌର ନିର୍ବାଚନର ଆଜି ଥିଲା ପ୍ରଚାର ଶେଷ ଦିନ । ଏନେଇ ବିଜୁ ଜନତା ଦଳ ଆଜି ଶେଷ ଦିନରେ ବିଶାଳ ରାଲି କରି ନିଜର ଶକ୍ତି ପ୍ରଦର୍ଶନ କରିଛି। ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହରରେ ବିଜେଡି ଦଳ ପକ୍ଷରୁ ଏକ ବିଶାଳ ଶୋଭାଯାତ୍ରାରେ ବାହାର କରାଯାଇଥିଲା । ଏହି ଶୋଭାଯାତ୍ରାରେ ବିଜେଡିର ବରିଷ୍ଠ ନେତା, ବିଧାୟକ ଓ ସିନେ ତାରକା ସାମିଲ ହୋଇଥିଲେ । ରାଇରଙ୍ଗପୁର ପୌରପରିଷଦ ପାଇଁ ଆଜି ଓଲିଉଡ ସିନେ ତାରକା ପ୍ରିୟା ଚୌଧୁରୀ ପ୍ରଚାର କରିଥିବା ବେଳେ ବିଜେଡି ଅଧ୍ୟକ୍ଷ ପ୍ରାର୍ଥୀଙ୍କ ସହ ୧୫ ଟି ୱାର୍ଡର କାଉନସିଲର ପ୍ରାର୍ଥୀ ମଧ୍ୟ ଏହି ପ୍ରଚାରରେ ସାମିଲ ଥିଲେ। ମୋରଡା ବିଧାୟକ ରାଜ କିଶୋର ଦାସ, ସିନେ ତାରକା ପ୍ରିୟା ଚୌଧୁରୀ, ଅଧ୍ୟକ୍ଷ ପ୍ରାର୍ଥୀ ଅଭିଷେକ ପଟ୍ଟନାୟକ ଓ କାଉନସିଲର ପ୍ରାର୍ଥୀ ମାନଙ୍କୁ ନେଇ ଏକ ବିଶାଳ ରାଲିରେ ରାଇରଙ୍ଗପୁର ସହରର ପରିକ୍ରମା କରାଯାଇଥିଲା । ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ