ସରିଲା ପ୍ରଚାର, ଶେଷ ଦିନରେ ରାଲି କରି ଦବଦବା ଦେଖାଇଲେ କର୍ପୋରେଟର ପ୍ରାର୍ଥୀ - ପ୍ରଚାର ଶେଷ ଦିନରେ କଟକରେ ବିଶାଳ ରାଲି

କଟକ: ସିଏମସି ନିର୍ବାଚନ ପାଇଁ ଆଜି ଶେଷ ପ୍ରଚାର ଥିବାରୁ ସମସ୍ତ ପ୍ରାର୍ଥୀ ଓ ସବୁ ଦଳ ନିଜ ସପକ୍ଷରେ ଜନମତ ସୃଷ୍ଟି କରିବା ପାଇଁ ଜୋରଦାର ଉଦ୍ୟମ କରିଛନ୍ତି । ଆଜି କଟକ ସହର ମଧ୍ୟରେ ଅସଂଖ୍ୟ ବାଇକ ରାଲି ଓ ଶୋଭାଯାତ୍ରା ଦେଖିବାକୁ ମିଳିଥିଲା । ବିଶେଷ କରି ବିଜେଡି, ବିଜେପି ଓ କଂଗ୍ରେସ ମଧ୍ୟରେ ହେଉଥିବା ପ୍ରତିଦ୍ବନ୍ଦିତାରେ କେଉଁ ଦଳ ଆଗରେ ରହିବ ସେ ନେଇ ପ୍ରାର୍ଥୀ, ଦଳୀୟ ନେତା ଓ କର୍ମୀ ନିଜର ସମସ୍ତ ଶକ୍ତି ଖଟାଇ ଦେଇଥିଲେ । କଟକରେ ଶେଷ ହେଲା ନିର୍ବାଚନୀ ପ୍ରଚାର ଏବଂ ଶେଷ ଦିନର ପ୍ରଚାର ଏତେ ଜୋରଦାର ଥିଲା ଯେ ତାହା ଗତ ସପ୍ତାହେ ବ୍ୟାପି ଚାଲିଥିବା ପ୍ରଚାରକୁ ମଧ୍ୟ ପଛରେ ପକାଇ ଦେଇଥିଲା । ବିଜେଡି, କଂଗ୍ରେସ, ବିଜେପି ଏବଂ ସ୍ବାଧୀନ ପ୍ରାର୍ଥୀମାନେ ନିଜର ଦବଦବା ଦେଖାଇବା ପାଇଁ ନିଜ ନିଜ ସମର୍ଥକଙ୍କୁ ନେଇ ରାଲି କରି ୱାର୍ଡ ବୁଲି ପ୍ରଚାର କରିଛନ୍ତି ।