Municipal Election: କୋଣାର୍କ ଦଖଲ କରିବ କଂଗ୍ରେସ ! - କୋଣାର୍କ ପୌର ପରିଷଦ ନିର୍ବାଚନ

ପୁରୀ: ପୌର ନିର୍ବାଚନ ପ୍ରଚାର ଶେଷ ପର୍ଯ୍ୟାୟରେ । କୋଣାର୍କରେ ଜୋରଦାର ପ୍ରଚାରରେ ଲାଗିଛି କଂଗ୍ରେସ। ପୁରୀ ଜିଲ୍ଲାର କୋଣାର୍କ ଏନଏସି ରେ କଂଗ୍ରେସ ଦଳର ପ୍ରାର୍ଥୀ ଘରକୁ ଘର ଯାଇ କ୍ୟାମ୍ପେନ କରି ଭୋଟରଙ୍କ ସମର୍ଥନ ଲୋଡୁଛନ୍ତି । ବିଶେଷ କରି ବିଜେଡି ଦଖଲରେ କୋଣାର୍କ ରହିବା ପରେ ଅନେକ ଯୋଜନାରେ ଅର୍ଥ ବାଟମାରଣା ହୋଇଛି ବୋଲି ଦଳ ଅଭିଯୋଗ କରିଛି । ଏନଏସିରେ ଡ୍ରେନେଜ, ପରିମଳ ବ୍ୟବସ୍ଥା ଭୁଶୁଡିପଡିଛି । ପାନୀୟ ଜଳର ଘୋର ଅବ୍ୟବସ୍ଥା ରହିଛି। ଗରିବ ଲୋକଙ୍କୁ ବିଜେଡି ସରକାର ପକ୍ଷପାତ ନୀତି କରି ଆବାସ ଯୋଜନା ରାସନ କାର୍ଡ ଦେଉଛି । ତେଣୁ କୋଣାର୍କ ଭୋଟର ମାନେ ଏହାର ଉପଯୁକ୍ତ ଜବାବ ପୌର ନିର୍ବାଚନରେ ଦେଇ କଂଗ୍ରେସକୁ କ୍ଷମତାକୁ ଆଣିଲେ କୋଣାର୍କ ଏନଏସିର ଦୀର୍ଘ ଦିନ ମୌଳିକ ଅବ୍ୟବସ୍ଥା ଦୂର ହେବ ବୋଲି କଂଗ୍ରେସ ପ୍ରାର୍ଥୀ କହିଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ