ସେବାୟତଙ୍କ ସହ ତାଳଦେଲେ ଶ୍ରଦ୍ଧାଳୁ, କାର୍ତ୍ତିକ ମାସ ପୂର୍ବରୁ ଖୋଲିବନି ଶ୍ରୀମନ୍ଦିର ! - puri news
ପୁରୀ: କାର୍ତ୍ତିକ ମାସ ପୂର୍ବରୁ ଶ୍ରଦ୍ଧାଳୁଙ୍କ ପାଇଁ ଖୋଲିବନି ଶ୍ରୀମନ୍ଦିର । 26 ବର୍ଷ ପରେ ଚଳିତ ବର୍ଷ ଅନୁଷ୍ଠିତ ହେବାକୁ ଥିବା ମହାପ୍ରଭୁଙ୍କ ନାଗାର୍ଜୁନ ବେଶରୁ ବଞ୍ଚିତ ହେବେ ଭକ୍ତ । ଅନ୍ୟପକ୍ଷରେ ଧର୍ମ ମାସ କାର୍ତ୍ତିକରେ ହବିଷ୍ୟଳୀମାନେ ମଧ୍ୟ ମହାପ୍ରଭୁଙ୍କ ଦର୍ଶନରୁ ବଞ୍ଚିତ ରହିବେ । ଶ୍ରୀମନ୍ଦିର ମୁଖ୍ୟ ପ୍ରଶାସକ ମନ୍ଦିର ଖୋଲିବା ନେଇ ଆଜି 4ଟି ନିଯୋଗ କର୍ମକର୍ତ୍ତାଙ୍କ ସହ ଆଲୋଚନା କରି ମତାମତ ସଂଗ୍ରହ କରିଥିଲେ । ପୁଷ୍ପାଳକ, ମହାଜନ, ଗରାବଢୁ ଓ ବିମାନ ବଢୁ ନିଯୋଗ ଏବଂ 5 ମହାନାୟକଙ୍କ ସହ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଆଲୋଚନା ସମୟରେ ଅଧିକାଂଶ ସେବାୟତ ଶ୍ରୀମନ୍ଦିର ନଖୋଲିବା ସପକ୍ଷରେ ମତ ଦେଇଥିବା ଜଣାପଡିଛି ।