କୋଭିଡ ହସପିଟାଲରେ ଡାକ୍ତରଙ୍କ ଅଭାବ

ସମ୍ବଲପୁର: କୋଭିଡ ଲଢେଇରେ ଆଗଧାଡିର ଯୋଦ୍ଧା ସାଜିଛନ୍ତି ସ୍ବାସ୍ଥ୍ୟକର୍ମୀ । କିନ୍ତୁ ଅନେକ ସ୍ଥାନରେ ଡାକ୍ତରଙ୍କ ପ୍ରତି ଅବହେଳା କରାଯାଉଥିବା ସହ ଡାକ୍ତରଙ୍କ ଅଭାବ ମଧ୍ୟ ଦେଖିବାକୁ ମିଳୁଛି । ଯାହାର ସିଧାସଳଖ ପ୍ରଭାବ ପଡୁଛି ସାଧାରଣ ଜନତାଙ୍କ ଉପରେ । ସମ୍ବଲପୁର ସରକାରୀ ମୁଖ୍ୟ ଚିକିତ୍ସାଳୟକୁ 200 ଶଯ୍ୟା ବିଶିଷ୍ଟ କୋଭିଡ ହସପିଟାଲ କରାଯାଇଛି । ହେଲେ ଏଠାରେ ଦେଖିବାକୁ ମିଳିଛି ଡାକ୍ତରଙ୍କ ଅଭାବ । ପୂର୍ବରୁ ମେଡିକାଲରେ ଡାକ୍ତର ଅଭାବ ଥିବାବେଳେ କୋରୋନା ସମୟରେ ଏହା ଆହୁରି ବଢିଯାଇଛି । ଆଉ ଏଥିପାଇଁ ଅନ୍ୟ ରୋଗୀମାନେ ନାହିଁ ନଥିବା ଅସୁବିଧା ଭୋଗୁଛନ୍ତି ।