ସମ୍ପନ୍ନ ହେଲା ଦେବ ଦମ୍ପତିଙ୍କ ବିବାହ - ଦେବ ଦମ୍ପତିଙ୍କ ବିବାହ

ସମ୍ବଲପୁର: ପ୍ରସିଦ୍ଧ ଶୀତଳଷଷ୍ଠୀ ଯାତ୍ରାର ସମସ୍ତ ଯାତ୍ରା କମିଟିରେ ଦେବ ଦମ୍ପତି ବିବାହ ସମ୍ପନ୍ନ । ସମ୍ପୂର୍ଣ୍ଣ ମାନବୀୟ ରୀତିନୀତିରେ ମହାଦେବ ଓ ମାତା ପାର୍ବତୀଙ୍କ ବିବାହ ସମ୍ପନ୍ନ ହୋଇଛି। ବୁଧବାର ରାତି ପ୍ରାୟ 11ଟାରୁ ସାଢ଼େ 11ଟା ମଧ୍ୟରେ ସମସ୍ତ ଶୀତଳଷଷ୍ଠୀ ଯାତ୍ରା କମିଟିରେ ବର ଅର୍ଥାତ ଶିବଙ୍କ ମହା ଆଳତି ହୋଇଥିଲା । ଏହାପରେ ପରମ୍ପରା ଅନୁସାରେ ବରଯାତ୍ରୀ ଶୋଭାଯାତ୍ରାରେ ବାହାରିବାର ଥିଲା । ହେଲେ ଲକଡାଉନ କଟକଣା ଯୋଗୁଁ ଏଥର ଏହି ଶୋଭାଯାତ୍ର ହୋଇନାହିଁ । ତେବେ ରାତି ପ୍ରାୟ ପ୍ରାୟ 3ଟାରୁ ଭୋର 6ଟା ମଧ୍ୟରେ ଦେବ ଦମ୍ପତିଙ୍କ ବିବାହ ବାସୁଦେବ ପଦ୍ଧତିରେ ସମାପନ ହୋଇଛି । ଏହା ପରେ ଯୁଗଳମୂର୍ତ୍ତିଙ୍କ ସହର ପରିକ୍ରମା କରିବାର ପରମ୍ପରା ରହିଥାଏ, କିନ୍ତୁ କଟକଣା ଯୋଗୁଁ କୌଣସି ଯୁଗଳ ଦର୍ଶନ ଶୋଭାଯାତ୍ରା ହେବ ନାହିଁ । ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ