ବୋତଲ ଭିତରେ ବାଇଡେନ, ଦେଖନ୍ତୁ ଭିଡିଓ... - artist l ishwor rao

ଭୁବନେଶ୍ବର: ବୋତଲରେ ହସ୍ତଶିଳ୍ପର ନିଆରା କଳାକୃତି । ଆଉ ଏହି ନିଆରା କଳାକୃତି ମାଧ୍ୟମରେ ବୋତଲରେ ଶୋଭା ପାଉଛନ୍ତି ଜୋ ବାଇଡେନ୍ । ଆମେରିକାର ୪୬ତମ ରାଷ୍ଟ୍ରପତି ଭାବେ ଜୋ ବାଇଡେନ୍ ଆଜି ଶପଥ ଗ୍ରହଣ କରିଛନ୍ତି । ଏହି ଅବସରରେ ବୋତଲ ଭିତରେ ବାଇଡେନଙ୍କ ଫଟୋଚିତ୍ର ତିଆରି କରି ତାଙ୍କୁ ନିଆରା ଶୁଭେଚ୍ଛା ଜଣାଇଛନ୍ତି ଜଟଣୀର ଏଲ୍ ଈଶ୍ବର ରାଓ । ଏହି ଫଟୋଚିତ୍ରର ଉଚ୍ଚତା ୬.୩୦ ଇଞ୍ଚ ଓ ପ୍ରସ୍ଥ ୩ ଇଞ୍ଚ ଅଟେ । ପଥର, ଗ୍ଲାସ ଓ ପେପର ଖଣ୍ଡକୁ ବ୍ୟବହାର କରି ଇଶ୍ବର ଏହି ଫଟୋଚିତ୍ରଟି ତିଆରି କରିଛନ୍ତି । ଏଥିପାଇଁ ତାଙ୍କୁ ୭ ଦିନ ସମୟ ଲାଗିଛି । ତେବେ ଇଶ୍ବର ରାଓଙ୍କ ଏଭଳି କଳାକୃତିକୁ ସାଧାରଣରେ ବେଶ୍ ପ୍ରଶଂସା କରାଯାଉଛି । ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ