ଜମୁଛି ନିର୍ବାଚନୀ ପ୍ରଚାର: ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗୁଛନ୍ତି ବ୍ରହ୍ମଗିରି ବିଧାୟକ

ବ୍ରହ୍ମଗିରି: ଚଳିତ ମାସରେ ୧୬ ତାରିଖରୁ ଆରମ୍ଭ ହେବ ପଞ୍ଚାୟତ ନିର୍ବାଚନ । ଏନେଇ ଗାଁ ଗାଁରେ ଜମୁଛି ନିର୍ବାଚନୀ ପ୍ରଚାର । ପୁରୀ ଜିଲ୍ଲା ବ୍ରହ୍ମଗିରି ବ୍ଲକ 29 ନମ୍ବର ଜୋନରେ ପ୍ରାର୍ଥୀଙ୍କ ପ୍ରଚାର ଆଗେଇ ଚାଲିଛି। ବ୍ରହ୍ମଗିରି ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର ନିଜ ସମର୍ଥିତ ପ୍ରାର୍ଥୀଙ୍କ ପାଇଁ ଗାଁରୁ ଗାଁ ବୁଲି ଭୋଟ ଭିକ୍ଷା କରୁଛନ୍ତି। ଦୁର୍ନିତୀ ଶାସନକୁ ମୂଳପୋଛ କରି ସ୍ଵଚ୍ଛ ନିର୍ମଳ ଶାସନ ବ୍ରହ୍ମଗିରିରେ ଗଢି ତୋଳିବା ପାଇଁ ସେ ଭୋଟରଙ୍କୁ ଆହ୍ୱାନ ଦେଉଛନ୍ତି। ଏହି ଜୋନର 9ଟି ପଞ୍ଚାୟତର 41 ହଜାର 065 ଜଣ ଭୋଟରଙ୍କ ମନ ଜିଣିବା ପାଇଁ ବଜେପି ଓ ବିଜେଡି ପ୍ରାର୍ଥୀଙ୍କ ମଧ୍ୟରେ କସରତ ଚାଲିଛି। ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ