ରାସ୍ତାକଡରେ ହୁତୁହୁତୁ ହୋଇ ଜଳିଗଲା ବାଇକ
ବାରିପଦା: ହୁତୁହୁତୁ ହୋଇ ଜଳୁଛି ପଲସର ବାଇକ। ବାରିପଦା ମଧୁବନ ଷ୍ଟାଡିୟମ ନିକଟ ଏକ ଦୋକାନ ସମ୍ମୁଖରେ ଥିବା ଏକ ପଲସର ବାଇକରେ କୌଣସି କାରଣବଶତଃ ନିଆଁ ଲାଗି ଯାଇଥିଲା । ଫଳରେ ବାଇକଟି ଜଳିବାକୁ ଲାଗିଥିଲା । ତେବେ ବାଇକର ମାଲିକ କିଏ ତାହା ଜଣାପଡିନାହିଁ। ଅନ୍ୟପକ୍ଷରେ ବାଇକରୁ ଲାଗିଥିବା ନିଆଁ ନିକଟସ୍ଥ ଦୋକାନରେ ଲାଗିଯାଇଥିଲା। ସ୍ଥାନୀୟ ଲୋକେ ସାହାସିକତା ଦେଖାଇ ନିଆଁକୁ ଲିଭାଇ ଥିବା ବେଳେ ଅନ୍ୟ ଦୋକାନ ଗୁଡିକ ନିଆଁ ଲାଗିବାରୁ ବର୍ତ୍ତି ଯାଇଛି। ତେବେ ବାଇକଟିରେ କେମିତି ନିଆଁ ଲାଗିଲା ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ଜଣାପଡିନାହିଁ। ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି ,ଇଟିଭି ଭାରତ