Municipal Election: ବଲାଙ୍ଗୀରରେ ବିଜେଡିର ନିର୍ବାଚନୀ ପ୍ରଚାର
ବଲାଙ୍ଗୀର: ପୌର ପରିଷଦ ନିର୍ବାଚନ ନେଇ ସହର ଚଳଚଞ୍ଚଳ ହୋଇଥିବାବେଳେ ଶ୍ରମ ମନ୍ତ୍ରୀ ସୁଶାନ୍ତ ସିଂ ଆଜି ବଲାଙ୍ଗୀର ଓ ତୁଷୁରାରେ ମାରାଥନ ପ୍ରଚାର କରିଛନ୍ତି । ତେବେ ବଲାଙ୍ଗୀର ପୌର ପରିଷଦ ନିର୍ବାଚନ ପାଇଁ ସହରାଞ୍ଚଳରେ ରାଜନୈତିକ ଉଷ୍ମତା ଦେଖିବାକୁ ମିଳିଛି । ବଲାଙ୍ଗୀରର ପାଞ୍ଚଟି ପୌରାଞ୍ଚଳରେ ସବୁ ଦଳର ପ୍ରାର୍ଥୀ ତାଙ୍କର ପ୍ରଚାର ଜୋର କରିଛନ୍ତି । ସବୁଠି ଦଳୀୟ ବରିଷ୍ଠ ନେତା ପ୍ରଚାର ମଇଦାନକୁ ଓହ୍ଲାଇଛନ୍ତି । ଏହିପରି ଆଜି ବଲାଙ୍ଗୀର ପୌର ପରିଷଦ ଓ ତୁଷୁରା ବିଜ୍ଞାପିତ ପରିଷଦ ଅଞ୍ଚଳରେ ମନ୍ତ୍ରୀ ସୁଶାନ୍ତ ସିଂ ମାରାଥନ ପ୍ରଚାର କରିଛନ୍ତି । ତେବେ ବିକାଶ କାମ ହିଁ ବିଜେଡିର ମୂଳ ମନ୍ତ୍ର ହୋଇଥିବାବେଳେ ଅଞ୍ଚଳର ବିକାଶ ପାଇଁ ସେମାନେ କାମ କରିବେ ବୋଲି କହିଛନ୍ତି ମନ୍ତ୍ରୀ । ସେହିପରି ବିଜେଡି ଲହର ସବୁଠି ଅଛି ଓ ବିଜେଡି ନିଶ୍ଚୟ ଭାବରେ ସବୁଠି ସଫଳ ହେବ ବୋଲି ମନ୍ତ୍ରୀ ସୁଶାନ୍ତ ସିଂ କହିଛନ୍ତି । ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ୍, ଇଟିଭି ଭାରତ
Last Updated : Feb 3, 2023, 8:20 PM IST