ଭୟଙ୍କର କାର୍ ଦୁର୍ଘଟଣାରେ ଦମ୍ପତି ମୃତ, ମୃତ୍ୟୁ ସହ ସଂଘର୍ଷ କରୁଛି ଝିଅ - କାର ଦୁର୍ଘଟଣାରେ ଦମ୍ପତି ମୃତ

ଥିରୁବନ୍ତପୁରମ୍: କେରଳରେ ଗୁରୁବାର ଦିନଦ୍ବିପ୍ରହରେ ଭୟଙ୍କର ସଡ଼କ ଦୁର୍ଘଟଣା ଘଟିଛି । ଦିନ 2.30 ସମୟରେ କୋଲାମ ଜିଲ୍ଲା କୋଟାର୍କକାରାର ପାନଭେଲି ନିକଟରେ ଯାଉଥିବା ଏକ ସରକାରୀ ବସ ସହ ଏକ କାରର ମୁହାଁମୁହିଁ ଧକ୍କା ହୋଇଛି । ଫଳରେ କାରରେ ଥିବା ଦମ୍ପତିଙ୍କର ମୃତ୍ୟୁ ଘଟିଥିବା ବେଳେ ସେମାନଙ୍କ ଝିଅ ଗୁରୁତର ଆହତ ହୋଇଛି । ମୃତ ଦମ୍ପତି ପଣ୍ଡାଲମର କୁରୁମ୍ବାଲାର ନଜାର ଏବଂ ତାଙ୍କ ପତ୍ନୀ ସଜିଲା ବୋଲି ଜଣାପଡିଛି। ଏହି ମୃତ ଦମ୍ପତି ନିଜ ଝିଅ ସହ ଉମମାନୁର ଅଭିମୁଖେ ଯାଉଥିଲେ। ହଠାତ୍ ବିପରୀତ ଦିଗରୁ ଆସୁଥିବା ଏକ ଯାତ୍ରୀବାହୀ ବସ୍ ସହ କାରର ଧକ୍କା ହୋଇଥିଲା । ଧକ୍କା ହେବାରୁ କାରର ସାମନା ଅଂଶ ବସ୍ ତଳେ ଚାପି ହୋଇ ଦମ୍ପତିଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଗୁରୁତର ଝିଅକୁ ଥିରୁବନନ୍ତପୁରମ୍ ମେଡିକାଲ୍ କଲେଜରେ ଭର୍ତ୍ତି କରାଯାଇଛି । ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ଡ୍ରାଇଭିଂ ବେଳେ କାର ଡ୍ରାଇଭରଙ୍କ ଆଖି ଲାଗିଯିବାକୁ ଏପରି ମର୍ମନ୍ତୁଦ ଦୁର୍ଘଟଣା ଘଟିଛି । ବ୍ୟୁରୋ ରିପୋର୍ଟ, ଇଟିଭି ଭାରତ