ୟୁନିସେଫ୍ ଇଣ୍ଡିଆର ଆଇକନ ହେଲେ ଓଲିଉଡ ହିରୋ ସବ୍ୟସାଚୀ
ଭୁବନେଶ୍ବର: ମହାମାରୀ କୋରୋନା ସମୟରେ ପ୍ରବାସୀ ଓଡ଼ିଆ ଶ୍ରମିକଙ୍କୁ ସାହାଯ୍ୟ କରି ଦେଶ ବିଦେଶରେ ବେଶ ଚର୍ଚ୍ଚାର ପରିସରକୁ ଆସିଛନ୍ତି ଓଲିଉଡ ହିରୋ ସବ୍ୟସାଚୀ । ନିଜର ଏହି ନିଆରା ପ୍ରୟାସ ପାଇଁ ସବ୍ୟସାଚୀ ସବୁ ମହଲରେ ବେଶ ପ୍ରଶଂସିତ ହୋଇଛନ୍ତି । ଆଉ ଏବେ ୟୁନିସେଫ ଇଣ୍ଡିଆ ପାଇଁ ସବ୍ୟସାଚୀ କରୋନା ଲଢ଼େଇର ଆଉ ଜଣେ ଆଦର୍ଶ ପାଲଟିଛନ୍ତି । ସବ୍ୟସାଚୀଙ୍କ ଏକ ବାର୍ତ୍ତାକୁ ୟୁନିସେଫ ଇଣ୍ଡିଆ ଟ୍ବିଟର ହ୍ୟାଣ୍ଡେଲରେ ସେୟାର କରିଛି । ଏହି ଭିଡିଓରେ ଲୋକଙ୍କୁ ସକାରାତ୍ମକ ବାର୍ତ୍ତା ପଠାଇ ନିଜ ନିଜର ଯତ୍ନ ନେବା ସହ ପରିବାରର ଯତ୍ନ ନେବା କଥା କହିଛନ୍ତି ସବ୍ୟ । ଏହାସହ କୋରୋନା ମୁକାବିଲା କରିବା ପାଇଁ ସେ ଆହ୍ଵାନ ଦେଇଛନ୍ତି ।