ଫାଶୀ ଦିଅ ପଛେ ଟିକା ଦିଅନି - ଟିକା ନେବାକୁ ବୃଦ୍ଧ ନାରାଜ

ଭୋପାଳ: ସଂକ୍ରମଣରୁ ରକ୍ଷା ପାଇବା ପାଇଁ ଦେଶରେ ଆଗେଇ ଚାଲିଛି ଟୀକାକରଣ । ହେଲେ ଏହାରି ମଧ୍ୟରେ ମଧ୍ୟପ୍ରଦେଶର ରାଲାମଣ୍ତଳ ଅଞ୍ଚଳରୁ ଏକ ବିରଳ ଘଟଣା ଦେଖିବାକୁ ମିଳିଛି । ଜଣେ ବୃଦ୍ଧ କୋରୋନା ଟିକା ନେବା ସ୍ବାସ୍ଥ୍ୟ କର୍ମୀଙ୍କୁ ନାକେଦମ କରିଦେଇଛନ୍ତି । ଭ୍ୟାକସିନ ନେବା ପାଇଁ ରୋକଠୋକ ମନା କରିଦେଇଛନ୍ତି ସେ । ଏପରିକି ତାଙ୍କୁ ଗୁଳି କରିଦିଅ କି ଫାଶୀରେ ଟଙ୍ଗାଇ ଦିଅ । ହେଲେ ସେ କୋରୋନା ଟିକା ନେବେ ନାହିଁ ବୋଲି କହିଛନ୍ତି । କେବଳ ସେତିକି ନୁହେଁ ପ୍ରଧାନମନ୍ତ୍ରୀ ନରେନ୍ଦ୍ର କି ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ତାଙ୍କୁ ନିକଟକୁ ଆସିଲେ ମଧ୍ୟ ସେ ଟିକା ନେବେ ନାହିଁ ବୋଲି କହିଛନ୍ତି ।